Жиззахда “Оила” илмий-амалий тадқиқот маркази Конференция ўтказди

Жиззах шаҳрида “Оилани мустаҳкамлашда илмий-тадқиқотлар кўламининг аҳамияти” мавзуидаги Республика илмий-амалий Конференция бўлиб ўтди.

Вилоят  “Оила” илмий-амалий тадқиқот маркази ҳамда Жиззах политехника институти ҳамкорлигида ташкил этилган ушбу Конференция ишини вилоят “Оила” маркази раҳбари Г.Ҳамраева олиб борди.

Конференция ишида  Вазирлар Маҳкамаси ҳузуридаги “Оила” илмий –амалий тадқиқот маркази лойиҳа раҳбари, психология фанлари номзоди, доцент  Феруза Акромова,  “Оила” илмий –амалий тадқиқот маркази  Тошкент ҳамда Наманган вилоятлари бошқармаси бошлиқлари  Дилором Мамадалиева, Мутаъбар Махсудова, Жиззах вилоят  “Оила” илмий-амалий тадқиқот маркази ўқув курси раҳбари Нодира Каримова,  Самарканд Давлат Университети  хотин-қизлар бошланғич ташкилоти раиси Шарофат  Тухлиевалар маърузалар билан чиқиш қилдилар.

Шунингдек, Конференция якуни билан Конференция ишида фаол иштирок этганлар  вилоят “Оила” маркази раҳбари томонидан Сертификат билан тақдирланди.

Вилоят ҳокимлиги Ахборот хизмати