Вилоят тарихи ва маданияти давлат музейи жойларда кўргазмалар ташкил этмоқда

Вилоят тарихи ва маданияти давлат музейи томонидан туманларда йил давомида кўчма кўргазмалар ташкил этиш режалаштирилган.

Хусусан, ўтган ҳафтада Фориш туманидаги 1-умумтаълим мактабида музейнинг тарих, маданият ва санъат бўлимларининг кўчма кўргазмаси ташкил этилди. Унга мезбон мактабдан ташқари 22-, 55- мактаб ўқувчилари ҳам ташриф буюрдилар.

Кўргазмада ўқувчиларга вилоятимизда учрайдиган ноёб ҳайвонлар ва ўсимликлар, вилоятимиз тарихи, этнографияси, миллий-маданий мерос объектлари  ҳақида батафсил маълумот берилди. Тадбирда нафақат экспонатлар, балки музей фаолияти тўғрисида қизиқарли роликлар намойиш этилди.  

Мунира ЮСУПОВА,

Насиба МУСТАФОҚУЛОВА,

музейнинг илмий ходимлари.