Фориш туманидаги Ухум қишлоғида истиқомат қилувчи Тўқсонбой ва Нуртой Шариповлар темирчилик касбини ардоқлаб келаётган инсонлардан. Улар темирчи усталар сулоласи вакиллари.
Уста ҳунармандлар айни пайтда буюртма асосида 10 дан зиёд темир маҳсулотларини ясаб келмоқда.
— Бу ҳунар отамерос касб, - дейди Нуртой Шарипов. — Отамнинг айтишича, болаликдан темирчиликка қизиқишим уйғонган экан. 14 ёшимдан бошлаб мустақил равишда ҳар хил турдаги темир буюмлари ясашни бошлаганман. Мана, йиллар ўтибдики, шу касб орқасидан барака топиб, эл хизматида юрибмиз.