Жиззахда Марказий ҳарбий округ тасарруфидаги Махсус операциялари кучлари бўлинмаларида машғулотлар ташкил этилди (фото)

Марказий ҳарбий округ тасарруфидаги Жиззах гарнизонида жойлашган Махсус операциялар кучлари бўлинмаларига қабул қилинган ёш ҳарбий хизматчилар билан махсус машғулотлар ташкил этилди. Бу ҳақда Марказий ҳарбий округ матбуот хизмати маълум қилди.

Маълум қилинишича, машғулот доирасида гуруҳ шахсий таркибига белгиланган ҳудудга хавфсиз етиб бориш, шартли душманни қидириб топиш ва марш бросок ўтказиш, экстремал шароитларда яшовчанликни ошириш ҳамда сув тўсиқларидан ўтиш каби махсус вазифалар бажарилган.

Шунингдек, экстремал шароитларга (дашт, чўл ёки нотаниш ҳудудга) тушиб қолган ёш ҳарбий хизматчилар томонидан тез фурсатда олов ёқиш, ҳайвонларни овлаш, сувни ичишга яроқли ҳолатга келтириш каби усуллар ўйлаб топилган.

Тадбир якунида махсус машқларни бажаришда бўлинма таркиби томонидан йўл қўйилган камчиликлар ҳамда афзалликлар кўрсатилиб ўтилди, – дейилади маълумотда.