Сайт тест режимида ишламоқда.
ЎЗБЕКЧА | РУССКИЙ

Телефонлар:
(0372) 226-00-11
(0372) 226-05-21
» » Янгиободда коронавирус ва бошқа юқумли касалликлар тарқалишининг олдини олишга қаратилган машғулот ўтказилди

Янгиободда коронавирус ва бошқа юқумли касалликлар тарқалишининг олдини олишга қаратилган машғулот ўтказилди

12 февраль 2020 йил
248
0

Бугунги кунга келиб Хитойнинг Хубей провинцияси маркази Ухан шаҳрида тарқалган янги коронавирус минтақадаги барча давлатларнинг чегара ҳудудларида алоҳида чора-тадбирлар кўрилишини тақозо этмоқда.

Бугун ушбу касалликлар билан касалланганлар ёки вафот этганлар сони дунё миқёсида кун сайин ошиб бораётганлиги маълум. Шу сабабли ушбу касалликни юртимизга кириб келишининг олдини олиш чоралари кўрилмоқда.

Ўзбекистон Республикаси Президентининг 2020 йил 20 январдаги “Ўзбекистон Республикасига коронавируснинг янги тури кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссиясини ташкил этиш тўғрисида”ги Фармойиши ижросини таъминлаш мақсадида Жиззах вилоятининг Янгиобод туманида кўргазмали махсус-тактик ўқув машқи ўтказилди.

Унда Жиззах вилояти ФВБ, соғлиқни сақлаш бошқармаси, санитария эпидемиология осойишталик маркази, божхона бошқармаси, чегара қўшинларининг 76 нафар ходим ва 13 та махсус техникалари иштирок этди.
Янгиобод тумани Тожикистон Республикаси Сўғд вилоятининг Истаравшан ва Зафаробод туманлари билан чегарадош ҳудуд ҳисобланади.

Хитой Халқ Республикасида юзага келган эпидимиологик вазиятни ҳамда ушбу давлат билан мавжуд кенг иқтисодий, илмий, маданий ва туристик алоқаларни инобатга олган ҳолда фавқулодда вазиятларда давлат қуйи тизимларининг ҳамкорликдаги махсус тактик ўқув машқи Янгиобод туманидаги “Қўшқанд” чегара-божхона постида ўтказилди.

Бунда ўта хавфли юқумли касалликлар кириб келишининг олдини олишда тегишли хизматлар ҳамкорлииги, халқаро тиббий санитария қоидаларини жорий этиш тартиби амалда синаб кўрилди. Чегара-божхона постида санитар-карантин пунктида ўтказилган машқлар давомида ўта хавфли юқумли касалликлар билан оғриган шахсларни аниқлаш, бирламчи ташхис қўйиш ҳамда бу ҳақда тегишли хизматларга хабар бериш, беморларга биринчи тиббий ёрдам кўрсатиш ва шифохонага эвакуация қилиш, фавқулодда вазиятлар содир бўлган ҳудудларда назорат ўрнатиш каби жараёнларнинг амалда бажарилиши кузатиб борилди.
Коронавирус ва унинг олдини олиш – бугунги кунда дунё ҳамжамияти олдида турган долзарб мавзулардан биридир. Ўтказилган бундай ўқув машғулотлари эса унинг олдини олишга қаратилган энг самарали воситалардан биридир.

Жиззах вилояти ФВБ ОАВва ЖТБҲҚГ

скачать dle 12.0
Муҳокамага қўшилинг
Фикр билдириш
Изоҳлар (0)
Фойдали ҳаволалар