Жиззахда коллеж ўқувчилари ўртасида викторина ўтказилди

Жиззах вилояти ИИБ Ёнғин хавфсизлиги бошқармаси, Ўзбекистон Ёшлар Иттифоқи вилоят кенгаши ҳамда Жиззах алоқа-транспорт коллежи биланҳамкорликда ўқувчилар ўртасида "Энг яхши ёш ёнғин ўчирувчилар дружинаси” викторинаси ўтказилди.

Викторинада 5 та жамоа таништирув, блиц саволлар, эркин мавзу, кроссворд ҳамда видеолавҳа асосида тасвирий санъат асарини яратиш шартлари бўйича беллашдилар.

Интерактив усулда ташкил этилган викторина юқори савияда ўтказилиб, барчақатнашчиларда чуқур таассурот қолдирди.

– Викторинанинг янгича усулда ташкил этилиши ёшларнинг ёнғин хавфсизлиги соҳасига қизиқишини янада ортишига сабаб бўлиши билан биргаликда уларнинг ёнғинларда тўғри ҳаракатланиш ва ёнғин хавфсизлигини таъминлашга доир билимларини мустаҳкамлашга хизмат қилади – дейди Ўзбекистон Ёшлар Иттифоқи вилоят кенгаши бўлим мудири Раҳмон Ачилов.

Тадбир давомида нафақат қатнашчилар, балки, томошабинлар ўртасида ҳам мунозара ташкил этилди. Қатнашчиларга ёнғин хавфсизлиги қоидалари акс эттирилган эслатма ва йўриқномалар тарқатилди.

Якунда ўзининг ҳар томонлам зукколиги билан ажралиб турган "Қалқон” жамоси биринчи, "Алфа” жамоаси иккичи, "Ватанпарвар” жамоаси учинчи ўринни қўлга киритди.

Шунингдек, томошабинлар фикри асосида викторинанинг "Энг фаол”, "Энг иқтидорли” ва "Энг зукко” ўқувчилари танлаб олинди. Ғолиб ва совриндорларга вилоят ИИБ Ёнғин хавфсизлиги бошқармасининг фахрий ёрлиқ ва эсдалик совғалари топширилди.

Фаррух АБДУРАХМАНОВ

Жиззах вилояти ИИБ ЁХБ

катта муҳандиси, катта лейтенант