Жиззахда коллеж талабалари учун ҳарбий қисм бўйлаб экскурсия уюштирилди

Жиззах вилоятида жойлашган бир қатор умумтаълим мактабларининг ўқувчи ёшлари ҳамда Бахмал туманида жойлашган педагогика коллежи талабалари учун вилоятдаги ҳарбий қисмлардан бирига экскурсия уюштирилди, дея маълум қилди Мудофаа вазирлиги ахборот хизмати.

Ўзбекистон Республикаси президентининг 4 августдаги "Ўзбекистон Республикаси Қуролли Кучлари ҳарбий хизматчиларининг маънавий-маърифий савиясини ошириш тизимини тубдан такомиллаштириш тўғрисида"ги қарори асосида ўтказилган ушбу тадбирда 300 дан ортиқ ўқувчи ва талабалар иштирок этди.

Ҳарбий қисмга ташриф буюрганлар учун ўқотар қуроллардан фойдаланиш тартиби, муҳандислар ва тоғ тайёргарлиги бўйича кўргазмали чиқишлар ташкил қилинди. Шунингдек,талабаларга ҳарбий техникалар, ўқотар қуроллар намойиш этилди.