Gerb Bayroq Madhiya Muhim sanalar Davlat mukofotlari
2016 yil yanvar-dekabrda ishlab chiqarilgan yalpi hududiy mahsulotning (YAHM) hajmi 4 906,8 mlrd. so’mni tashkil etdi va 2015 yilning yanvar-dekabriga nisbatan o’sish sur’ati 109,4 foizga teng bo’ldi.
Korxonalar va tashkilotlar yagona davlat registri ma’lumotlariga ko’ra, 2017 yilning 1 yanvar holatiga ro’yxatga olingan yuridik shaxslar soni 11832 tani tashkil qilib, shundan faoliyat ko’rsatayotganlar soni 10693 tasi yoki 90,4 foizi faoliyat ko’rsatmoqda.
2017 yilning 1 yanvar holatiga ro’yxatga olingan jami kichik tadbirkorlik (biznes) sub’yektlarining soni 9 542 tani tashkil qildi.
2016 yil yanvar-dekabrda yalpi hududiy mahsulotning 80,3 foizi (2015 yil yanvar-dekabrda 80,1 foiz) kichik biznes sub’yektlari tomonidan ishlab chiqarildi.
2016 yilning yanvar-dekabrida tashqi savdo aylanmasi 210 678,2 ming. AQSH dollarini, jumladan 135 235,8 ming. AQSH dollarini – eksport operatsiyalari, 75 442,4 ming. AQSH dollarini – import operatsiyalari tashkil etdi. Tashqi savdo aylanmasining ijobiy saldosi 59 793,4 ming. AQSH dollarini tashkil qildi.
2016 yil yanvar-dekabrda sanoat mahsuloti hajmi 1 938,1 mlrd.so’mni yoki o’tgan yilning shu davriga nisbatan o’sish sur’ati 117,8 foizni tashkil etdi.
2016 yilning yanvar-dekabrida ishlab chikarilgan (ko’rsatilgan xizmatlar) umumiy hajmi 2 412,0 mlrd. so’mni yoki 2015 yilning shu davriga nisbatan 106,3 foizni, shu jumladan, Dehqonchilik va chorvachilik, ovchilik va bu sohalarda ko’rsatilgan xizmatlar hajmi 2 340,1 mlrd. so’mni, o’rmonchilik xo’jaliklarida 5,5 mlrd. so’mni (101,4 foiz), baliqchilik xo’jaliklarida 32,4 mlrd. so’mni (101,8 foiz) tashkil qildi.
2016 yil yanvar-dekabr oylarida barcha toifadagi xo’jaliklar tomonidan 420 512 tonna sabzavot (111,3 foizga ko’p), kartoshka 68 149 tonna (111,2 foizga ko’p), poliz 299 675 tonna (112,6) mevalar va rezavorlar 98 899 tonna (110,8 foiz) yetishtirildi.
2017 yilning 1 yanvar holatiga o’tgan yilning shu davriga nisbatan yirik shoxli qoramollar 105,1 foizga (jami 867,1 ming boshni tashkil qildi), shu jumladan sigirlar 100,5 foizga (235,7 ming bosh), qo’y va echkilar 105,5 foizga (1 823,1 ming bosh), otlar 101,3 foizga (22,3 bosh), parrandalar 110,3 foizga (2 641,6 ming. boshga) ko’paydi.
Fermer xo’jaliklari. 2016 yilning yanvar-dekabrida fermer xo’jaliklari tomonidan ishlab chiqarilgan qishloq xo’jaligi mahsulotlari hajmi 798,6 mlrd. so’mni yoki 2015 yilning tegishli davriga nisbatan 102,3 foizni tashkil qildi. Qishloq xo’jaligi mahsulotlari umumiy hajmida fermer xo’jaliklarining ulushi 33,1 foizni tashkil etdi.
2016 yil yanvar-dekabrda viloyatning asosiy kapitalini ko’paytirishga 1 252,7 mlrd. so’m miqdorida investitsiyalar kiritildi va o’tgan yilning shu davriga nisbatan o’sish sur’ati 110,2 foizni tashkil qildi.
Qurilish: 22016 yil yanvar-dekabrda umumiy maydoni 638,3 ming kv.m. bo’lgan 4 037 ta (2015 yil yanvar-dekabrga nisbatan 109,4 foiz), shu jumladan qishloq joylarida 431,2 ming kv.m. (104,0 foiz) uy-joy foydalanishga topshirildi. Noishlab chiqarish sohasiga kiritilgan investitsiyalar hajmidan 633,9 mlrd. so’mi yoki 72,5 foizi uy-joy qurilishida o’zlashtirildi.
Qurilish: Umumta’lim maktablari, kasb-hunar kollejlari, musiqa va san’at maktablari qurish, qayta ta’mirlash hamda kasb-hunar kollejlariga va umumta’lim maktablariga sport inshoatlari qurilishida 58,3 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 9,2 foizini va ta’lim sohasiga kiritilgan investitsiyalarning 3,9 foizini tashkil qildi.
Qurilish: Sog’liqni saqlash ob’yektlarini qurish va rekonstruksiya ishlarida 37,6 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 5,9 foizini va sog’liqni saqlash sohasiga kiritilgan investitsiyalarning 3,0 foizini tashkil qildi.
Qurilish: Kommunal qurilish sohasida 347,5 km. uzunlikdagi ichimlik suvi, 43,0 km. uzunlikdagi gaz tarmoqlari ishga tushirildi, bu 2015 yil yanvar-dekabrga nisbatan mos ravishda 119,7 va 89,0 foizni tashkil qildi.
Qurilish: Ichimlik suvi tarmoqlari qurilishiga aholi mablag’lari hisobiga 1,9 mlrd. so’m, gaz tarmoqlari qurilishiga esa 0,7 mlrd. so’m investitsiyalar o’zlashtirildi.
Qurilish: 2016 yil yanvar-dekabrda 912,7 mlrd. so’mlik qurilish ishlari bajarilib, o’tgan yilning shu davriga nisbatan o’sish sur’ati 111,8 foizni tashkil etdi.
Qurilish: Qurilish ishlari umumiy hajmining 68,2 foizi binolar va inshootlarni qurish bo’yicha qurilish ishlari, 23,1 foizi fuqarolik qurilishi ob’yektlarini qurish bo’yicha qurilish ishlari va 8,7 foizi ixtisoslashtirilgan qurilish ishlariga to’g’ri keldi. SHu jumladan umumiy hajmdan 79,3 foizi yangi qurilish, rekonstruksiya va kengaytirish hamda texnik jihatdan qayta jihozlashga to’g’ri keladi.
Qurilish: Nodavlat mulkchilik shaklidagi tashkilotlar tomonidan 840,6 mlrd. so’mlik qurilish ishlari amalga oshirilib, jami qurilish ishlari hajmidagi ulushi 92,1 foizni (2015 yil yanvar-dekabrga nisbatan o’sish sur’ati 113,3 foizni) tashkil qildi.
Yuk tashish: 2016 yil 1 yanvar holatiga barcha transport turlari tomonidan, 35,5 mln. tonna yuk tashilgan bo’lib, o’tgan yilning shu davriga nisbatan 1,5 foizga ko’paydi.

O’zLiDeP ochiq muloqot va kitoblar ko’rgazmasi tashkil etdi

Tadbirkorlar va ishbilarmonlar harakati – O’zbekiston Liberal-demokratik partiyasi viloyat Kengashi Yoshlar bilan ishlash bo’limi tomonidan Jizzax davlat pedagogika instituti qoshidagi “Sayiljoyi” akademik litseyida “Yoshlarning kitob o’qishga bo’lgan qiziqishini oshirish orqali yuksak ma’naviyatli barkamol avlodni tarbiyalash” mavzusida ochiq muloqot va kitoblar ko’rgazmasi tashkil etildi.

dsc_0335Tadbirda viloyat Ma’naviyat targ’ibot markazi, Jizzax davlat pedagogika instituti qoshidagi “Sayiljoyi” akademik litseyi, Jizzax davlat pedagogika instituti, Fuqarolik jamiyati shakllanishini monitoring qilish mustaqil instituti Jizzax hududiy bo’linmasi, O’zbekiston Yozuvchilar uyushmasi Jizzax viloyat bo’limi, partiyaning “Yoshlar qanoti” guruhi vakillari, Xalq deputatlari viloyat Kengashidagi O’zLiDeP deputatlari; globallashuv va ma’naviy tahdidlar, yoshlarda internet madaniyatini shakllantirish masalalari, yoshlarning axborot xurujiga qarshi immunitetini  shakllantirishning muhim omillari, O’zbekiston Respublikasining “Yoshlarga oid davlat siyosati to’g’risida”gi qonuni mazmun-mohiyati, yurtimizda ta’lim tizimiga, yoshlar tadbirkorligini qo’llab-quvvatlashga, mamlakatimizda yoshlar siyosatini amalga oshirish ayniqsa, partiya yoshlar kanoti faoliyatini yanada takomillashtirishga qaratilayotgan e’tibor to’g’risida so’z yuritib, yurt tinchligi, Vatan taraqqiyoti, xalq farovonligi uchun har birimiz mas’ul ekanligimizni alohida ta’kidlashdi. SHuningdek, yurtimizda ijod axlini rag’batlantirishni yanada kuchaytirish va ayni vaqtda axborot-kommunikatsiya texnologiyalari sohasidagi so’nggi yutuqlarni o’zlashtirish bilan birga, yoshlarning kitob o’qishga bo’lgan qiziqishini oshirish, aholining kitobxonlik ko’nikmasini yanada yuksaltirishga karatilgan tizimli ishlarni tashkil etish, yoshlar tarbiyasida oila hamda ta’lim muassasalarining roli va ahamiyatini yanada oshirish, ularni yuksak ma’naviyatli barkamol avlod etib tarbiyalash borasida o’z fikr-mulohazalarini bildirdilar.

Internet dunyo bo’yicha kundan-kunga jadal sur’atlar bilan rivojlanayotganligini, ayniqsa, jahon tarmog’idan foydalanuvchilarining soni ortib borayotganligida ko’rish mumkin. Xususan, dunyo aholisining 42 foizi, ya’ni   3,2 milliard kishi internetdan foydalanmoqda. YUrtimizda esa so’nggi o’n yil ichida internetdan foydalanuvchilar soni o’n baravarga oshdi. 2007 yilda foydalanuvchilarning soni bir millionni tashkil etgan bo’lsa, bugun bu ko’rsatkich o’n million ikki yuz mingga yetdi. Bu mamlakatimiz aholisining qariyb 32 foizi demakdir.

Hozirda internet auditoriyasining katta qismini yoshlar tashkil etmoqda. Jahon tarmog’ida yaratilayotgan imkoniyatlarni inkor etolmaymiz, albatta. Biroq, kuchli mafkuraviy ta’sir ko’rsatish vositasi bo’lgan ushbu mo’’jiza jiddiy muammolarni ham keltirib chiqarayotgani hech kimga sir emas.img_2552

Aynan shu jihatlarni inobatga olib, yoshlarni internet tarmog’idagi buzg’unchi kontentdan himoya qilish va ularda internet madaniyatini shakllantirish, hayotga teran qaraydigan ma’nan yetuk, barkamol avlodni tarbiyalash, axborot makonida salbiy tusdagi tahdidlardan asrash, internet tarmog’idan xavfsiz foydalanish, salbiy veb-saytlar orqali kirib kelayotgan yot g’oyalarning oldini olish va ta’sir kuchini kamaytirish, ayni vaqtda axborot-kommunikatsiya texnologiyalari sohasidagi so’nggi yutuqlarni o’zlashtirish bilan birga, yoshlarning kitob o’qishga bo’lgan qiziqishini oshirish, aholining kitobxonlik ko’nikmasini yanada yuksaltirish maqsadida O‘zLiDeP tomonidan “Xavfsiz internet” loyihasi amalga oshirilmoqda. Mazkur loyiha yoshlarning intellektual mehnat sohasida o’z qobiliyat va iste’dodini namoyon etishlari uchun zarur sharoitlar yaratish, barkamol avlod sifatida ta’lim-tarbiya olishlarini ta’minlash borasidagi partiyaning dasturiy maqsadlarida aks ettirilgan ustuvor vazifalarga hamohangdir.

Tadbir davomida “Yoshlar va ta’lim”, “Yoshlar va ijod” haqida video lavha namoyish etildi. Shuningdek, yoshlarimiz qalbida Vatanga muhabbat va sadoqat tuyg’usi, sog’lom turmush tarzini kamol toptirish, milliy va umuminsoniy qadriyatlarga hurmat hissini yuksaltirish, farzandlarimizning qalbi va ongida mafkuraviy immunitetni shakllantirish, yoshlarning kitob o’qishga bo’lgan qiziqishini oshirishga qaratilgan kitoblar ko’rgazmasi ham tashkil etilib, unda institut talabalari, akademik litsey va kasb-hunar kollejlari o’quvchilari o’zlari qiziqqan kitoblar bilan tanishdilar, kitoblarni olib o’qishdi, mutolaa qilishdi, o’qib o’rganishlari uchun o’zlariga yoqqan kitoblarni xarid qilishdi.

 
  • Chop etish
  • Ko'rganlar soni: (2933)
  • Pdf ko'rish
Tweet about this on TwitterShare on Google+Share on Facebook

© 2010-2017 Jizzax viloyat hokimligi rasmiy veb sayti. Sayt materiallaridan foydalanganda www.jizzax.uz manba sifatida ko`rsatilishi shart. Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing