Gerb Bayroq Madhiya Muhim sanalar Davlat mukofotlari
2016 yil yanvar-dekabrda ishlab chiqarilgan yalpi hududiy mahsulotning (YAHM) hajmi 4 906,8 mlrd. so’mni tashkil etdi va 2015 yilning yanvar-dekabriga nisbatan o’sish sur’ati 109,4 foizga teng bo’ldi.
Korxonalar va tashkilotlar yagona davlat registri ma’lumotlariga ko’ra, 2017 yilning 1 yanvar holatiga ro’yxatga olingan yuridik shaxslar soni 11832 tani tashkil qilib, shundan faoliyat ko’rsatayotganlar soni 10693 tasi yoki 90,4 foizi faoliyat ko’rsatmoqda.
2017 yilning 1 yanvar holatiga ro’yxatga olingan jami kichik tadbirkorlik (biznes) sub’yektlarining soni 9 542 tani tashkil qildi.
2016 yil yanvar-dekabrda yalpi hududiy mahsulotning 80,3 foizi (2015 yil yanvar-dekabrda 80,1 foiz) kichik biznes sub’yektlari tomonidan ishlab chiqarildi.
2016 yilning yanvar-dekabrida tashqi savdo aylanmasi 210 678,2 ming. AQSH dollarini, jumladan 135 235,8 ming. AQSH dollarini – eksport operatsiyalari, 75 442,4 ming. AQSH dollarini – import operatsiyalari tashkil etdi. Tashqi savdo aylanmasining ijobiy saldosi 59 793,4 ming. AQSH dollarini tashkil qildi.
2016 yil yanvar-dekabrda sanoat mahsuloti hajmi 1 938,1 mlrd.so’mni yoki o’tgan yilning shu davriga nisbatan o’sish sur’ati 117,8 foizni tashkil etdi.
2016 yilning yanvar-dekabrida ishlab chikarilgan (ko’rsatilgan xizmatlar) umumiy hajmi 2 412,0 mlrd. so’mni yoki 2015 yilning shu davriga nisbatan 106,3 foizni, shu jumladan, Dehqonchilik va chorvachilik, ovchilik va bu sohalarda ko’rsatilgan xizmatlar hajmi 2 340,1 mlrd. so’mni, o’rmonchilik xo’jaliklarida 5,5 mlrd. so’mni (101,4 foiz), baliqchilik xo’jaliklarida 32,4 mlrd. so’mni (101,8 foiz) tashkil qildi.
2016 yil yanvar-dekabr oylarida barcha toifadagi xo’jaliklar tomonidan 420 512 tonna sabzavot (111,3 foizga ko’p), kartoshka 68 149 tonna (111,2 foizga ko’p), poliz 299 675 tonna (112,6) mevalar va rezavorlar 98 899 tonna (110,8 foiz) yetishtirildi.
2017 yilning 1 yanvar holatiga o’tgan yilning shu davriga nisbatan yirik shoxli qoramollar 105,1 foizga (jami 867,1 ming boshni tashkil qildi), shu jumladan sigirlar 100,5 foizga (235,7 ming bosh), qo’y va echkilar 105,5 foizga (1 823,1 ming bosh), otlar 101,3 foizga (22,3 bosh), parrandalar 110,3 foizga (2 641,6 ming. boshga) ko’paydi.
Fermer xo’jaliklari. 2016 yilning yanvar-dekabrida fermer xo’jaliklari tomonidan ishlab chiqarilgan qishloq xo’jaligi mahsulotlari hajmi 798,6 mlrd. so’mni yoki 2015 yilning tegishli davriga nisbatan 102,3 foizni tashkil qildi. Qishloq xo’jaligi mahsulotlari umumiy hajmida fermer xo’jaliklarining ulushi 33,1 foizni tashkil etdi.
2016 yil yanvar-dekabrda viloyatning asosiy kapitalini ko’paytirishga 1 252,7 mlrd. so’m miqdorida investitsiyalar kiritildi va o’tgan yilning shu davriga nisbatan o’sish sur’ati 110,2 foizni tashkil qildi.
Qurilish: 22016 yil yanvar-dekabrda umumiy maydoni 638,3 ming kv.m. bo’lgan 4 037 ta (2015 yil yanvar-dekabrga nisbatan 109,4 foiz), shu jumladan qishloq joylarida 431,2 ming kv.m. (104,0 foiz) uy-joy foydalanishga topshirildi. Noishlab chiqarish sohasiga kiritilgan investitsiyalar hajmidan 633,9 mlrd. so’mi yoki 72,5 foizi uy-joy qurilishida o’zlashtirildi.
Qurilish: Umumta’lim maktablari, kasb-hunar kollejlari, musiqa va san’at maktablari qurish, qayta ta’mirlash hamda kasb-hunar kollejlariga va umumta’lim maktablariga sport inshoatlari qurilishida 58,3 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 9,2 foizini va ta’lim sohasiga kiritilgan investitsiyalarning 3,9 foizini tashkil qildi.
Qurilish: Sog’liqni saqlash ob’yektlarini qurish va rekonstruksiya ishlarida 37,6 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 5,9 foizini va sog’liqni saqlash sohasiga kiritilgan investitsiyalarning 3,0 foizini tashkil qildi.
Qurilish: Kommunal qurilish sohasida 347,5 km. uzunlikdagi ichimlik suvi, 43,0 km. uzunlikdagi gaz tarmoqlari ishga tushirildi, bu 2015 yil yanvar-dekabrga nisbatan mos ravishda 119,7 va 89,0 foizni tashkil qildi.
Qurilish: Ichimlik suvi tarmoqlari qurilishiga aholi mablag’lari hisobiga 1,9 mlrd. so’m, gaz tarmoqlari qurilishiga esa 0,7 mlrd. so’m investitsiyalar o’zlashtirildi.
Qurilish: 2016 yil yanvar-dekabrda 912,7 mlrd. so’mlik qurilish ishlari bajarilib, o’tgan yilning shu davriga nisbatan o’sish sur’ati 111,8 foizni tashkil etdi.
Qurilish: Qurilish ishlari umumiy hajmining 68,2 foizi binolar va inshootlarni qurish bo’yicha qurilish ishlari, 23,1 foizi fuqarolik qurilishi ob’yektlarini qurish bo’yicha qurilish ishlari va 8,7 foizi ixtisoslashtirilgan qurilish ishlariga to’g’ri keldi. SHu jumladan umumiy hajmdan 79,3 foizi yangi qurilish, rekonstruksiya va kengaytirish hamda texnik jihatdan qayta jihozlashga to’g’ri keladi.
Qurilish: Nodavlat mulkchilik shaklidagi tashkilotlar tomonidan 840,6 mlrd. so’mlik qurilish ishlari amalga oshirilib, jami qurilish ishlari hajmidagi ulushi 92,1 foizni (2015 yil yanvar-dekabrga nisbatan o’sish sur’ati 113,3 foizni) tashkil qildi.
Yuk tashish: 2016 yil 1 yanvar holatiga barcha transport turlari tomonidan, 35,5 mln. tonna yuk tashilgan bo’lib, o’tgan yilning shu davriga nisbatan 1,5 foizga ko’paydi.

O‘zLiDeP: yoshlarga e’tibor, kelajakka e’tibor demakdir

O’zbekistonda yoshlarni mustaqil fikrlaydigan, yuksak ma’naviyatli barkamol avlod etib tarbiyalash, ularda xalq va vatan taqdiriga dahldorlik tuyg’usini, ayniqsa, internet madaniyatini va axborot xurujlariga qarshi immunitetini shakllantirish, yigit-qizlarda dunyo va mamlakat miqyosidagi siyosiy jarayonlarga mustaqil va ongli munosabatini oshirish eng oliy fazilatlardan sanaladi. Bu jarayonda O‘zLiDeP tomonidan hayotga tatbiq etilayotgan qator islohotlar esa albatta, e’tiborga molik.

2014-04-29-internetwallpaperhd1-thumbChunonchi, bugun partiyaning yoshlar bilan ishlash bo’limi tomonidan mutasaddi tashkilotlar bilan hamkorlikda “Xavfsiz internet” loyihasi doirasida “Yoshlarning axborot xurujiga qarshi immunitetini shakllantirishning muhim omillari”, “Yoshlarda axborotdan foydalanish madaniyatini shakllantirish”, “Yoshlarda internet odobini shakllantirishning asoslari” kabi turli mavzularda qator tadbirlar, davra suhbatlari tashkil etib kelinmoqda. Ana shunday tadbirlardan navbatdagisi partiyaning Zarbdor tuman Kengashi “Yoshlar qanoti” guruhi tomonidan Qishloq va suv xo’jaligi kasb-hunar kollejida “Yoshlarda axborotdan foydalanish madaniyatini shakllantirish” mavzuida tashkil etildi.

– Mazkur tadbir yoshlarda ma’naviy immunitetni mustahkamlashga qaratilganligi bilan ahamiyatli bo’ldi, – deydi Zarbdor qishloq va suv xo’jaligi kasb-hunar kolleji o’quvchisi Gulshanoy Ergasheva. – Negaki, bugun jahon tarmog’ida yaratilayotgan imkoniyatlarni inkor etolmaymiz. Biroq, kuchli mafkuraviy ta’sir ko’rsatish vositasi bo’lgan ushbu mo’’jiza jiddiy muammolarni ham keltirib chiqarayotgani hech kimga sir emas. SHu sababdan axborot telekommunikatsiya sohasida yutuqlarga erishayotgan yoshlarni rag’batlantirish, ularda internet madaniyatini shakllantirish, ogohlikka chorlash maqsadida “Xavfsiz internet” loyihasi doirasida olib borilayotgan ishlar ko’lami yanada kengaymoqda. Asosiysi, mazkur jarayonlarda yoshlarni har tomonlama himoya qilish va ularni turli zararli g’oyalardan asrab-avaylash, bugun har birimizning asosiy burchimizga aylanmoqda.

Ta’kidlanganidek, bugun dunyodagi mafkuraviy tortishuvlar, informatsion xurujlar o’sib kelayotgan yosh avlodning tarbiyasiga yangi talablarni qo’ymoqda. CHunonchi, axborot asrida yoshlar dunyoqarashini sog’lom asosda shakllantirish va mustahkamlash, ularning mafkuraviy immunitetini kuchaytirib, bizga yot qarashlar va tushunchalarga nisbatan munosabatlarini shakllantirish tobora dolzarb ahamiyat kasb etmoqda.

– Aytish joizki, qisqa muddat ichida mazkur loyiha respublikamizning barcha hududlarida ommalashib, o’z atrofiga ko’plab yoshlarni birlashtirdi, – deydi O‘zLiDeP Zarbdor tuman Kengashi raisining Yoshlar masalalari bo’yicha o’rinbosari Xurshid Azimov. – E’tiborli jihati shundaki, bugun yoshlarimiz katta qiziqish bilan mazkur mavzudagi davra suhbatlari, forumlar, seminar-treninglar tashkil etish borasida tashabbus bilan chiqmoqda. Ayniqsa, bu borada partiya “Yoshlar qanoti” guruhi faollari uyushqoqlik bilan ish faoliyatini olib bormoqda. Zotan, bugun yoshlarda axborot xurujlariga qarshi immunitetini oshirish, ularda yuksak insoniy fazilatlar, axborot olish va uzatish madaniyatini shakllantirishni bugungi kuning o’zi talab etmoqda.

Tadbir davomida partiya “Yoshlar qanoti” tomonidan internetning salbiy jihatlari va oqibatlari, globallashuv jarayonlari va mafkuraviy xurujlar: diniy ekstremizm, terrorizm, aqidaparastlikning jamiyat taraqqiyotiga ta’siri haqidagi slayd hamda “Tafakkur ehtiyoji” nomli hujjatli fil’m namoyish etildi.

Olim Norjigitov, O‘zLiDeP Jizzax viloyat Kengashi Yoshlar bilan ishlash bo’limi mudiri

 
  • Chop etish
  • Ko'rganlar soni: (67)
  • Pdf ko'rish
Tweet about this on TwitterShare on Google+Share on Facebook

© 2010-2017 Jizzax viloyat hokimligi rasmiy veb sayti. Sayt materiallaridan foydalanganda www.jizzax.uz manba sifatida ko`rsatilishi shart. Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing