Gerb Bayroq Madhiya Muhim sanalar Davlat mukofotlari
2016 yil yanvar-dekabrda ishlab chiqarilgan yalpi hududiy mahsulotning (YAHM) hajmi 4 906,8 mlrd. so’mni tashkil etdi va 2015 yilning yanvar-dekabriga nisbatan o’sish sur’ati 109,4 foizga teng bo’ldi.
Korxonalar va tashkilotlar yagona davlat registri ma’lumotlariga ko’ra, 2017 yilning 1 yanvar holatiga ro’yxatga olingan yuridik shaxslar soni 11832 tani tashkil qilib, shundan faoliyat ko’rsatayotganlar soni 10693 tasi yoki 90,4 foizi faoliyat ko’rsatmoqda.
2017 yilning 1 yanvar holatiga ro’yxatga olingan jami kichik tadbirkorlik (biznes) sub’yektlarining soni 9 542 tani tashkil qildi.
2016 yil yanvar-dekabrda yalpi hududiy mahsulotning 80,3 foizi (2015 yil yanvar-dekabrda 80,1 foiz) kichik biznes sub’yektlari tomonidan ishlab chiqarildi.
2016 yilning yanvar-dekabrida tashqi savdo aylanmasi 210 678,2 ming. AQSH dollarini, jumladan 135 235,8 ming. AQSH dollarini – eksport operatsiyalari, 75 442,4 ming. AQSH dollarini – import operatsiyalari tashkil etdi. Tashqi savdo aylanmasining ijobiy saldosi 59 793,4 ming. AQSH dollarini tashkil qildi.
2016 yil yanvar-dekabrda sanoat mahsuloti hajmi 1 938,1 mlrd.so’mni yoki o’tgan yilning shu davriga nisbatan o’sish sur’ati 117,8 foizni tashkil etdi.
2016 yilning yanvar-dekabrida ishlab chikarilgan (ko’rsatilgan xizmatlar) umumiy hajmi 2 412,0 mlrd. so’mni yoki 2015 yilning shu davriga nisbatan 106,3 foizni, shu jumladan, Dehqonchilik va chorvachilik, ovchilik va bu sohalarda ko’rsatilgan xizmatlar hajmi 2 340,1 mlrd. so’mni, o’rmonchilik xo’jaliklarida 5,5 mlrd. so’mni (101,4 foiz), baliqchilik xo’jaliklarida 32,4 mlrd. so’mni (101,8 foiz) tashkil qildi.
2016 yil yanvar-dekabr oylarida barcha toifadagi xo’jaliklar tomonidan 420 512 tonna sabzavot (111,3 foizga ko’p), kartoshka 68 149 tonna (111,2 foizga ko’p), poliz 299 675 tonna (112,6) mevalar va rezavorlar 98 899 tonna (110,8 foiz) yetishtirildi.
2017 yilning 1 yanvar holatiga o’tgan yilning shu davriga nisbatan yirik shoxli qoramollar 105,1 foizga (jami 867,1 ming boshni tashkil qildi), shu jumladan sigirlar 100,5 foizga (235,7 ming bosh), qo’y va echkilar 105,5 foizga (1 823,1 ming bosh), otlar 101,3 foizga (22,3 bosh), parrandalar 110,3 foizga (2 641,6 ming. boshga) ko’paydi.
Fermer xo’jaliklari. 2016 yilning yanvar-dekabrida fermer xo’jaliklari tomonidan ishlab chiqarilgan qishloq xo’jaligi mahsulotlari hajmi 798,6 mlrd. so’mni yoki 2015 yilning tegishli davriga nisbatan 102,3 foizni tashkil qildi. Qishloq xo’jaligi mahsulotlari umumiy hajmida fermer xo’jaliklarining ulushi 33,1 foizni tashkil etdi.
2016 yil yanvar-dekabrda viloyatning asosiy kapitalini ko’paytirishga 1 252,7 mlrd. so’m miqdorida investitsiyalar kiritildi va o’tgan yilning shu davriga nisbatan o’sish sur’ati 110,2 foizni tashkil qildi.
Qurilish: 22016 yil yanvar-dekabrda umumiy maydoni 638,3 ming kv.m. bo’lgan 4 037 ta (2015 yil yanvar-dekabrga nisbatan 109,4 foiz), shu jumladan qishloq joylarida 431,2 ming kv.m. (104,0 foiz) uy-joy foydalanishga topshirildi. Noishlab chiqarish sohasiga kiritilgan investitsiyalar hajmidan 633,9 mlrd. so’mi yoki 72,5 foizi uy-joy qurilishida o’zlashtirildi.
Qurilish: Umumta’lim maktablari, kasb-hunar kollejlari, musiqa va san’at maktablari qurish, qayta ta’mirlash hamda kasb-hunar kollejlariga va umumta’lim maktablariga sport inshoatlari qurilishida 58,3 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 9,2 foizini va ta’lim sohasiga kiritilgan investitsiyalarning 3,9 foizini tashkil qildi.
Qurilish: Sog’liqni saqlash ob’yektlarini qurish va rekonstruksiya ishlarida 37,6 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 5,9 foizini va sog’liqni saqlash sohasiga kiritilgan investitsiyalarning 3,0 foizini tashkil qildi.
Qurilish: Kommunal qurilish sohasida 347,5 km. uzunlikdagi ichimlik suvi, 43,0 km. uzunlikdagi gaz tarmoqlari ishga tushirildi, bu 2015 yil yanvar-dekabrga nisbatan mos ravishda 119,7 va 89,0 foizni tashkil qildi.
Qurilish: Ichimlik suvi tarmoqlari qurilishiga aholi mablag’lari hisobiga 1,9 mlrd. so’m, gaz tarmoqlari qurilishiga esa 0,7 mlrd. so’m investitsiyalar o’zlashtirildi.
Qurilish: 2016 yil yanvar-dekabrda 912,7 mlrd. so’mlik qurilish ishlari bajarilib, o’tgan yilning shu davriga nisbatan o’sish sur’ati 111,8 foizni tashkil etdi.
Qurilish: Qurilish ishlari umumiy hajmining 68,2 foizi binolar va inshootlarni qurish bo’yicha qurilish ishlari, 23,1 foizi fuqarolik qurilishi ob’yektlarini qurish bo’yicha qurilish ishlari va 8,7 foizi ixtisoslashtirilgan qurilish ishlariga to’g’ri keldi. SHu jumladan umumiy hajmdan 79,3 foizi yangi qurilish, rekonstruksiya va kengaytirish hamda texnik jihatdan qayta jihozlashga to’g’ri keladi.
Qurilish: Nodavlat mulkchilik shaklidagi tashkilotlar tomonidan 840,6 mlrd. so’mlik qurilish ishlari amalga oshirilib, jami qurilish ishlari hajmidagi ulushi 92,1 foizni (2015 yil yanvar-dekabrga nisbatan o’sish sur’ati 113,3 foizni) tashkil qildi.
Yuk tashish: 2016 yil 1 yanvar holatiga barcha transport turlari tomonidan, 35,5 mln. tonna yuk tashilgan bo’lib, o’tgan yilning shu davriga nisbatan 1,5 foizga ko’paydi.

Madaniyat

Yulduz yog’du sochadi

Viloyatimizda ham vokal ijrochilikning opera turiga qiziqish bildirib, ushbu san’atning nozik va murakkab sirlarini o’rganishga astoydil kirishayotgan yoshlar safi ortib bormoqda. 

 

Jizzaxlik ijodkorlar Islom Karimov haqida badiiy film suratga olishadi

Jizzaxlik bir gurux ijodkorlar xayrli ishga qo’l urishdi. Mamlakatimiz ravnaqining asoschisi, mard va jasur inson, O’zbekistonning birinchi prezidenti I. A. Karimovning yorqin xotirasiga bag’ishlangan, «Ishonch» deb nomlangan badiiy filmni suratga olish uchun tayyorgarlik  ishlarini boshlab yuborildi. Bu haqda Sangzor.uz sayti xabar berdi.

 

Respublika «Yosh suhandonlar” tanlovi o’tkaziladi

Madaniyat va sport ishlari vazirligi tashabbusi bilan suhandonlik va boshlovchilik qobiliyatiga ega bo’lgan yoshlarni aniqlash, ularga har tomonlama ko’maklashish va rag’batlantirish, yosh boshlovchi-suhandonlarning ijodiy salohiyatini amalga oshirish uchun tegishli shart-sharoit yaratish, o’zbek adabiy tilining nufuzini yanada yuksaltirish, yuqori malakali suhandon va boshlovchi kadrlar tayyorlashning barqaror rivojlanishiga ko’maklashish maqsadida respublika «Yosh suhandonlar” tanlovi o’tkaziladi.

 

“Oltin kuz” Xalqaro san’at festivali doirasida musiqiy kecha tashkil etildi

Jizzaxda O’zbekiston Respublikasi Madaniyat va sport ishlari vazirligi tashabbusi bilan mamlakatimiz bo’ylab o’tkazilayotgan “Oltin kuz” xalqaro san’at festivali doirasida madaniy tadbirlar tashkil etildi.

 

Forish tuman madaniyat va sport ishlari bo’limi tomonidan harbiylar uchun madaniy-ma’rifiy konsert tashkil etildi

2016 yil 16-avgust kuni Forish tumanidagi harbiy poligonda xizmat qilayotgan  askar va zobitlar huzurida madaniyat va aholi dam olish markazi badiiy jamoasi o’zlarining O’zbekiston Respublikasi Davlat mustaqilligining yigirma besh  yilligi oldidan “Go’zal va betakrorimsan, muqaddas vatanim, jonim senga fido O’zbekistonim!” shiori ostida madaniy dam olish konsert dasturini namoyish etdilar.

 

G’allaorolda “An’analar etadi davom” festivali bo’ldi

G’allaorol tumanidagi “Marjon” madaniyat va istirohat bog’ida viloyat va G’allaorol tuman hokimliklari, viloyat madaniyat va sport ishlari boshqarmasi, viloyat xalq ijodiyoti va madaniy-ma’rifiy ishlar ilmiy uslubiyat markazi, viloyat teleradiokompaniyasi, viloyat ma’naviyat va targ’ibot markazi, “Oltin meros” xalqaro xayriya jamg’armasi  viloyat bo’limi, “Kamolot” YOIH viloyat kengashi hamda G’allaorol tuman madaniyat va sport ishlari bo’limi hamkorligida O’zbekiston Respublikasi Mustaqilligining 25 yilligiga bag’ishlab “An’analar etadi davom” mavzusida jamoalar festivali o’tkazildi.

 

Markaz yangi binoga ega bo’ldi

Jizzax shahridagi madaniyat va aholi dam olish markazi kapital ta’mirdan chiqarilgan yangi binoda ish boshladi.

 

Jizzaxda “O’zbekiston – umumiy uyimiz” Respublika VI do’stlik va madaniyat festivali bo’lib o’tdi

Bugun Jizzax viloyatida Vatanimiz mustaqilligining 25 yilligi hamda Sog’lom ona va bola yiliga bag’ishlab “O’zbekiston – umumiy uyimiz”  respublika VI do’stlik va madaniyat festivali hamda uning doirasida tashkil etilgan tadbirlar boshlandi. 

 

Jizzaxda kitob bayrami o’tkaziladi

Respublikamiz aholisining, ayniqsa, yosh avlodning ma’naviy va intellektual ehtiyojlarini qondirishda kitobning o’rni va ahamiyatini yanada kengaytirish, kitobxonlik madaniyatini yuksaltirish, yozuvchi va o’quvchi  o’rtasidagi muloqotni kuchaytirish  maqsadida O’zbekiston  matbuot va axborot agentligi tomonidan O’zbekiston Respublikasi Vazirlar Mahkamasi ko’magida  bir qator vazirlik va idoralar bilan hamkorlikda 2016 yilning 26-28 may kunlari Jizzax shahri va barcha tumanlarda “Adabiyotga e’tibor –  ma’naviyatga,  kelajakka  e’tibor” shiori ostida  “Kitob bayrami” o’tkaziladi.

 

Jizzaxdagi “Forum” majmuasida Jaz yulduzi Pet Eplton konsert berdi

Jizzax shahridagi 1-sonli  bolalar musiqa va san’at maktabiga germaniyalik  mashhur jaz yo’nalishi  xonandasi, “De Phazz” guruhi vokalisti Pet Eplton  tashrif buyurdi. Germaniyaning O’zbekistondagi elchixonasi hamda Madaniyat va sport  ishlari vazirligi hamkorligida tashkil etilgan tadbir viloyatimizda san’at yo’nalishida  tahsil olayotgan yoshlar uchun ajoyib imkoniyat bo’ldi.

 

Yosh iste’dodlar uchun o’tkaziladigan “Nihol” mukofotining Yangiobod tuman bosqichi bo’ldi

Joriy yilning 19 may kuni Yangiobod tuman xalq ta’limi muassasalari faoliyatini metodik ta’minlash va tashkil etish bo’limiga qarashli 12-umumiy o’rta-ta’lim maktabida iste’dodli yoshlarning jamiyatimiz ma’naviy hayotini  yuksaltirishdagi muhim o’rnini inobatga olib, o’zinig estrada, musiqa, mumtoz qo’shiq, raqs va opera san’ati ijrochiligi sohasidagi mahorati bilan odamlarning yuragiga yetib boradigan, yoshlarni ezgulikka chorlaydigan, ularni ma’naviy barkamol insonlar qilib tarbiyalashga xizmat qiladigan asarlar yaratishda faollik ko’rsatayotgan 17 yoshdan 25 yoshgacha bo’lgan iqtidorli yoshlarni muntazam rag’batlantirib borish maqsadida “Nihol” mukofotining Yangiobod tuman bosqichi bo’lib o’tdi.

 


© 2010-2017 Jizzax viloyat hokimligi rasmiy veb sayti. Sayt materiallaridan foydalanganda www.jizzax.uz manba sifatida ko`rsatilishi shart. Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing