Gerb Bayroq Madhiya Muhim sanalar Davlat mukofotlari
2016 yil yanvar-sentyabrda ishlab chiqarilgan yalpi hududiy mahsulotning (YAHM) hajmi 3 438,5 mlrd. so’mni tashkil etdi va 2015 yilning yanvar-sentyabriga nisbatan o’sish sur’ati 109,1 foizga teng bo’ldi.
Korxonalar va tashkilotlar yagona davlat registri ma’lumotlariga ko’ra, 2016 yilning 1 oktyabr holatiga ro’yxatga olingan yuridik shaxslar soni 11 442 tani tashkil qilib, shundan 10 510 tasi yoki 91,9 foizi faoliyat ko’rsatmoqda.
2016 yilning 1 oktyabr holatiga ro’yxatga olingan jami kichik tadbirkorlik (biznes) sub’yektlarining soni 9 195 tani tashkil qildi.
2016 yil yanvar-sentyabrda yalpi hududiy mahsulotning 81,7 foizi (2015 yil yanvar-sentyabrda 81,6 foiz) kichik biznes sub’yektlari tomonidan ishlab chiqarildi.
2016 yilning yanvar-sentyabrida tashqi savdo aylanmasi 140 622,1 ming. AQSH dollarini, jumladan 81 772,6 ming. AQSH dollarini – eksport operatsiyalari, 58 849,5 ming. AQSH dollarinii – import operatsiyalari tashkil etdi. Tashqi savdo aylanmasining ijobiy sal’dosi 22 923,1 ming. AQSH dollarini tashkil qildi.
2016 yil yanvar-sentyabrda sanoat mahsuloti hajmi 1 327,1 mlrd. so’mni yoki o’tgan yilning shu davriga nisbatan o’sish sur’ati 118,3 foizni tashkil etdi.
2016 yilning yanvar-sentyabrida ishlab chiqarilgan (ko’rsatilgan xizmatlar) umumiy hajmi 1 917,7 mlrd. so’mni yoki 2015 yilning shu davriga nisbatan 106,2 foizni, shu jumladan, dehqonchilik va chorvachilik, ovchilik va bu sohalarda ko’rsatilgan xizmatlar hajmi 1 896,6 mlrd. so’mni (106,0 foiz), o’rmonchilik xo’jaliklarida 3,3 mlrd. so’mni (136,6 foiz), baliqchilik xo’jaliklarida 17,8 mlrd. so’mni (100,7 foiz) tashkil qildi.
2016 yil yanvar-sentyabr oylarida barcha toifadagi xo’jaliklar tomonidan 380 253 tonna sabzavot (113,9 foizga ko’p) yetishtirildi.
2016 yilning 1 oktyabr holatiga o’tgan yilning shu davriga nisbatan yirik shoxli qoramollar 105,7 foizga (jami 855,8 ming boshni tashkil qildi), shu jumladan sigirlar 100,4 foizga (249,6 ming bosh), qo’y va echkilar 105,6_foizga (1 848,9 ming bosh), otlar 101,8 foizga (22 338 bosh), parrandalar 118,1 foizga (2 570 ming. boshga) ko’paydi.
2016 yilning yanvar-sentyabrida fermer xo’jaliklari tomonidan ishlab chiqarilgan qishloq xo’jaligi mahsulotlari hajmi 575,1 mlrd. so’mni yoki 2015 yilning tegishli davriga nisbatan 99,8 foizni tashkil qildi. Qishloq xo’jaligi mahsulotlari umumiy hajmida fermer xo’jaliklarining ulushi 30,8 foizni tashkil etdi..
2016 yil yanvar-sentyabrda viloyatning asosiy kapitalini ko’paytirishga 934,3 mlrd. so’m miqdorida investitsiyalar kiritildi va o’tgan yilning shu davriga nisbatan o’sish sur’ati 120,5 foizni tashkil qildi.
Qurilish: 2016 yil yanvar-sentyabrda umumiy maydoni 552,5 ming kv.m. bo’lgan 3 459 ta (2015 yil yanvar-sentyabrga nisbatan 120,9 foiz), shu jumladan qishloq joylarida 367,7 ming kv.m. (117,8 foiz) uy-joy foydalanishga topshirildi. Noishlab chiqarish sohasiga kiritilgan investitsiyalar hajmidan 544,5 mlrd. so’mi yoki 73,9 foizi uy-joy qurilishida o’zlashtirildi.
Qurilish: Umumta’lim maktablari, kasb-hunar kollejlari, musiqa va san’at maktablari qurish, qayta ta’mirlash hamda kasb-hunar kollejlariga va umumta’lim maktablariga sport inshoatlari qurilishida 40,8 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 7,5 foizini va ta’lim sohasiga kiritilgan investitsiyalarning 4,4 foizini tashkil qildi.
Qurilish: Sog’liqni saqlash ob’yektlarini qurish va rekonstruksiya ishlarida 28,0 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 5,1 foizini va sog’liqni saqlash sohasiga kiritilgan investitsiyalarning 3,0 foizini tashkil qildi.
Qurilish: Kommunal qurilish sohasida 217,4 km. uzunlikdagi ichimlik suvi, 38,1 km. uzunlikdagi gaz tarmoqlari ishga tushirildi, bu 2015 yil yanvar-sentyabrga nisbatan mos ravishda 81,9 va 104,1 foizni tashkil qildi.
Qurilish: Ichimlik suvi tarmoqlari qurilishiga aholi mablag’lari hisobiga 1,7 mlrd. so’m, gaz tarmoqlari qurilishiga esa 621,4 mln. so’m miqdorida investitsiyalar o’zlashtirildi.
Qurilish: 2016 yil yanvar-sentyabrda 708,3 mlrd. so’mlik qurilish ishlari bajarilib, o’tgan yilning shu davriga nisbatan o’sish sur’ati 112,5 foizni tashkil etdi.
Qurilish: Qurilish ishlari umumiy hajmining 71,7 foizi binolar va inshootlarni qurish bo’yicha qurilish ishlari, 20,6 foizi fuqarolik qurilishi ob’yektlarini qurish bo’yicha qurilish ishlari va 7,7 foizi ixtisoslashtirilgan qurilish ishlariga to’g’ri keldi. Shu jumladan umumiy hajmdan 80,8 foizi yangi qurilish, rekonstruksiya va kengaytirish hamda texnik jihatdan qayta jihozlashga to’g’ri keladi.
Qurilish: Nodavlat mulkchilik shaklidagi tashkilotlar tomonidan 658,1 mlrd. so’mlik qurilish ishlari amalga oshirilib, jami qurilish ishlari hajmidagi ulushi 92,9 foizni (2015 yil yanvar-sentyabrga nisbatan o’sish sur’ati 115,5 foizni) tashkil qildi.
Yuk tashish: 2016 yil 1 oktyabr holatiga barcha transport turlari tomonidan, 26,3 mln. tonna yuk tashilgan bo’lib, o’tgan yilning shu davriga nisbatan 8,2 foizga ko’paydi.

Rasmiy ma’ruzalar

Viloyat hokimining yangi yil tabrigi

Jizzax viloyati hokimi U.Y.Uzoqovning viloyat ahliga Yangi yil tabrigi

                   Aziz yurtdoshlar! 

Bugun ko’nglimizga ulkan orzu-umidlar baxsh etib, qalblarimizni olam-olam quvonchga to’ldirib yurtimizga Yangi yil kirib keldi. Har birimizga ko’tarinkilik va faraxbahsh onlarni hadya etayotgan ushbu qutlug’ shodiyona bilan barchangizni samimiy muborakbod etaman.

 

O’zbekiston Respublikasi Davlat Mustaqilligining yigirma besh yilligi munosabati bilan viloyat hokimi S.U.Ismailovning BAYRAM TABRIGI

Aziz do’stlar!

Muhtaram mehmonlar!

Bugun ona-Vatanimiz – O’zbekistonda eng ulug’ va eng aziz  bayram,  Davlatimiz mustaqilligining 25 yilligi  tantana qilinmoqda. Ushbu bayram “Go’zal va betakrorimsan, muqaddas Vatanim, jonim senga fido, O’zbekistonim!” deya o’rtaga tashlangan yorqin da’vat ostida har bir oila va xonadan,  qishloq va mahalla, shahar va tuman, butun O’zbekistonda misli ko’rilmagan shodiyona ostida nishonlanyapti.  Ushbu fursatdan foydalanib men ham mana shu qutlug’ maskanga to’plangan barcha-barchangizni, Siz orqali esa, butun viloyatimiz ahlini samimiy tabriklayman. Qo’limni ko’ksimga qo’yib, “Istiqlol bayrami qutlug’ bo’lsin! Vatanimizning chorak asrlik to’yi muborak,  azizlar!”  degan bo’lar edim.

 

Jizzax viloyati hokimi S.U.Ismailovning viloyat faollarining “2016 yilning I-yarim yilligida viloyatni ijtimoiy-iqtisodiy rivojlantirish yakunlari va 2016 yilgi iqtisodiy dasturning eng muhim ustuvor vazifalari amalga oshirilishini so’zsiz ta’minlash chora-tadbirlari to’g’risida”gi yig’ilishidagi ma’ruzasi

Assalomu-alaykum hurmatli hurmatli yig’ilish ishtirokchilari, deputatlar

Bugun biz sizlar bilan eng aziz va muqaddas bayram Mustaqilligimizning 25 yilligini munosib kutib olish bo’yicha keng qamrovli tayyorgarlik ishlari olib borilayotgan bir paytda uchrashib turibmiz.

 

Jizzax viloyati hokimi S.Ismailovning 9 may – “Xotira va qadrlash kuni” munosabati bilan “Xotira” xiyobonida bo’lib o’tgan tantanali marosimdagi tabrigi

Assalomu alaykum, muhtaram faxriylar!

Aziz do’stlar!

Avvalo barchangizni – Vatan ozodligi, yurtimiz tinchligi uchun Ikkinchi Jahon urushida ishtirok etgan, urushdan keyingi mehnat frontida fidoyilik ko’rsatgan Siz muhtaram tabarruk nuroniylarimizni Ikkinchi Jahon urushida qozonilgan g’alabaning 71 yilligi bilan viloyatimiz faollari hamda keng jamoatchiligi nomidan samimiy qutlayman.

 

Jizzax viloyati hokimi S.U.Ismailovning Navro’z bayrami munosabati bilan viloyat ahliga bayram tabrigi

Aziz yurtdoshlar!

Avvalo, mana shu majmuaga bayramona kayfiyat bilan jamuljam bo’lib o’tirgan siz azizlarni, sizlarning timsolingizda butun Jizzax viloyati ahlini yurtimizga qutlug’ qadamlari bilan kirib kelayotgan, bahor, yasharish va yangilanish ramzi, sharqona yangi yil debochasi bo’lmish Navro’zi olam bilan viloyatimizning ko’p sonli jamoatchiligi va faollari nomidan samimiy muborakbod etaman.

 

Viloyat hokimi S.Ismailovning 8 mart – Xalqaro xotin-qizlar bayrami munosabati bilan bayram tabrigi

Assalomu alaykum, aziz ayollar!

Muhtarama onaxonlar, qadrli opa-singillar!

Avvalo, barchangizni jannatmakon yurtimizga tashrif buyurgan ezgulik va go’zallik bayrami –8 mart Xalqaro xotin-qizlar kuni bilan viloyatimiz faollari, keng jamoatchik nomidan samimiy tabriklayman!

 

Jizzax viloyati hokimi S. Ismailovning 14 yanvar —  Vatan himoyachilari kuniga bag’ishlab o’tkaziladigan bayram tadbiridagi tabrigi

 

Hurmatli do’stlar!

Qadrli askarlar, serjantlar va ofitserlar!

Qurolli Kuchlarimizning faxriylari!

 

Jizzax viloyati hokimi S.U.Ismailovning Yangi yil bayrami tabrigi

Aziz yurtdoshlar!

Muhtaram do‘stlar!

Avvalo barchangizni ezgu niyatlar, yorug‘ umidlar bilan qarshi olayotgan – yangi 2016 yil bilan samimiy muborakbod etaman.

 


O‘qituvchi va murabbiylar kuni munosabati bilan viloyat hokimining TABRIGI

Aziz ustoz va murabbiylar!

Avvalo, barchangizni mamlakatimiz hayotidagi muborak sana, umumxalq bayramimiz — O‘qituvchi va murabbiylar kuni bilan chin dildan samimiy tabriklayman.

Hayotda bir-birini to‘ldiruvchi, bir-biridan zarur kasblar, hunarlar juda ko‘p.

 

“Eng namunali fuqarolarning o‘zini o‘zi boshqarish organlari” ko‘rik-tanlovidagi ma’ruzasi

Assalomu alaykum, hurmatli mehmonlar!

Qadrli tanlov ishtirokchilari va mahalla faollari!

Avvalo, barchangizni shukuhi doimo bizni yuksaltirib turgan eng ulug‘ va eng aziz bayramimiz – O‘zbekiston Mustaqilligining 24 yilligi bilan samimiy muborakbod etaman!

Istiqlolimizni mustahkamlashga, oilalarimiz tinchligi, totuvligi va yurtimiz obodligiga o‘z hissasini qo‘shib kelayotgan Siz aziz fidoyilarga Jizzax viloyatiga xush kelibsizlar, deyman!

Aziz ko‘rik-tanlov ishtirokchilari!

Bugun “Eng namunali fuqarolarning o‘zini o‘zi boshqarish organlari” ko‘rik-tanlovining respublika final bosqichi aynan bizning qo‘hna va hamisha navqiron Jizzax shahrimizda o‘tkazilayotgani qalbimizga o‘zgacha mamnuniyat bag‘ishlamoqda.

So‘zim boshida shuni alohida ta’kidlashni istar edimki, ishtirokchilar qaysi viloyatdan kelganligidan qat’iy nazar, yuz-ko‘zlarida, g‘oliblikka bo‘lgan ishtiyoqi, g‘ayrat-shijoatida o‘zi boshqarayotgan qishloq yoki mahallasiga bo‘lgan chuqur hurmat-ehtirom, ezgu va savobli ishlar tantanasi yo‘ladagi sobitqadamlikni his etib turibman, desam aynan sizlarning qalblaringizda jo‘sh urayotgan tuyg‘uni ifodalagan bo‘laman.

Oddiyroq aytganda, nufuzi, ko‘lami va salmog‘i yildan-yilga ortib borayotgan “Eng namunali fuqarolarning o‘zini o‘zi boshqarish organlari” ko‘rik-tanlovi respublika bosqichiga etib kelish aynan sizlarga nasib etganligining o‘ziyoq yuqori natijadir.

Yurtboshimiz tashabbusi va rahnamoligi bilan mamlakatimizda mahalla instituti to‘la shakllantirilgani, fuqarolarning o‘zini o‘zi boshqarish organlari nufuzi tobora ortib borayotgani jamiyat hayotida mahallaning obro‘-e’tibori yuksalishiga zamin yaratibgina qolmay, bu hol demokratiya tantanalariga xizmat qilayotir. Demak, bugungi ko‘rik-tanlov siz bilan bizga mahallalarning kuch-qudrati, uning tinchlik va osoyishtalik, millatlararo totuvlikka qo‘shayotgan ulkan hissasini yanada teran idrok etish imkonini beradi. Obrazli qilib aytganda mahalla degani aslida  o‘zimiz, o‘zligimiz, qadr-qimmatimiz va tayanchimiz deganidir.

Mustaqillik bayrami munosabati bilan poytaxtda bo‘lib o‘tgan tantanali marosimda Muhtaram Prezidentimiz quyidagi faxr bilan ta’kidladilarki, dunyodagi eng nufuzli xalqaro ijtimoiy-iqtisodiy markazlarning oxirgi ma’lumotlariga ko‘ra, O‘zbekiston “Butunjahon baxt indeksi”da 158 mamlakat ichida 44-pog‘onani, Mustaqil Davlatlar Hamdo‘stligi mamlakatlari orasida esa 1-o‘rinni egallagani barchamizga g‘urur-iftixor tuyg‘ularini baxsh etadi.

Albatta, bu yutuqlarga erishishimizning boisi mahallalarda ijtimoiy-ma’naviy sog‘lom muhit yaratilayotgani, mustahkam oilalarning, baxtli insonlarning ko‘payayotgani, eng muhimi bu kabi ezgu va xayrli ishlarning boshida turgan Siz aziz mahalla faollarining ham zahmatli mehnati tufaylidir.

Shu o‘rinda bir ma’lumotni Sizlarga mamnuniyat ila etkazmoqchiman. Bilasiz, 2013 yilning iyun oyida Prezidentimiz ijtimoiy-iqtisodiy islohotlarning borishi bilan tanishish maqsadida Jizzax va Sirdaryo viloyatlariga tashrif buyurgan edilar. Muhtaram Yurtboshimiz viloyatimizga kelganlari chog‘ida Jizzax shahrini rivojlantirishning bosh rejasini qayta ko‘rib berib, hamma yo‘nalishlarda kamida 50 yil oldinni ko‘zlab ish tutish kerakligini bizga vazifa qilib qo‘ydilar.

Kecha viloyatimizdagi mahallalar, yirik sanoat ob’ektlari va shahrimizning diqqatga sazovor joylari bilan yaqaindan tanishish chog‘ida e’tibor bergan bo‘lsangiz kerak. Jizzax shahrida aholining aksariyati, xususan,  12 ming 400 ta xonadon 527 ta ko‘p qavatli uylarda istiqomat qiladi. O‘tgan yilning o‘zida ko‘p qavatli uylar atrofida aholining dam olishi, madaniy hordiq chiqarishi uchun barcha sharoitlarga ega bo‘lgan 12 ta istirohat bog‘larini qurish ishlari yakunlanib, xalqimizni behad quvontirdi.

Bugun namunaviy loyihalar asosida qurilayotgan ko‘rkam va shinam uylar haqida gapirmaslikning iloji yo‘q. Viloyatimiz markazi Jizzax shahrida qurilgan zamonaviy uy-joylar yoki “Yangi asr qishloqlari” deb yuritilayotgan ko‘rkam va chiroyli, fayzli qishloqlarimizda qurilayotgan namunaviy uylar xalqimizning kelajakka bo‘lgan ishonchini yanada oshirib, kuchiga kuch, g‘ayratiga g‘ayrat qo‘shyapti, desam, hecham mubolag‘a bo‘lmaydi.

Bundan tashqari, Yurtboshimizning “O‘zbekiston Respublikasida yoshlarga oid davlat siyosatini amalga oshirishga qaratilgan qo‘shimcha chora-tadbirlar to‘g‘risida”gi qarori asosida mamlakatimizning barcha hududlarida, jumladan, Jizzax viloyatida ham ko‘p qavatli “Kamolot” uylari qurilib, ijtimoiy faol yosh oilalarga imtiyozli kreditlar evaziga, boshlang‘ich badalsiz berilmoqda. Jumladan, G‘allaorol tumani, Marjonbuloq shaharchasidagi 56 ta xonadon, Mirzacho‘l tumani, Gagarin shahridagi 12 ta xonadon va Paxtakor tumanidagi 16 ta xonadondan iborat yangi uylar “Kamolot” yoshlar ijtimoiy harakati faol yosh oilalariga topshirildi.

Shahrimiz markazi Alisher Navoiy nomidagi va “Mustaqillik” ko‘chalaridagi eski pastqam uylar o‘rnida zamonaviy dizayn asosida turar-joy binolari qad rostlamoqda. Viloyatimiz markazi — “Yoshlar shaharchasi”dagi “Yozgi saroy” maydonida qayta rekonstruksiya ishlari olib borilgan bo‘lsa, “Toshloq” mahallasida attraksionli bog‘lar bunyod etildi va 2 ta musiqali favvora qurildi.

Bugun nafaqat Jizzax shahrida, balki, vohamizning eng chekka hududlarida ham bunyodkorlik va yaratuvchanlik ishlari olib borilayapti. Xususan, Zomin va Paxtakor tumanlarida madaniyat va istirohat bog‘lari yaratilib, yaqinda, mustaqillik bayramimiz arafasida foydalanishga topshirildi.

Albatta, bu kabi keng ko‘lamli bunyodkorlik ishlarining barchasi, birinchi navbatda yurtimizda Muhtaram Prezidentimiz tomonlaridan olib borilayotgan odilona siyosat tufayli bo‘lsa, qolaversa, mehnatsevar xalqimiz va Siz kabi hududlarimizdagi istiqomat qilayotgan mahalla ahlini ezgu ishlarga boshini qovushtirayotgan fidoiy insonlarning borligidandir.

Bizning eng katta boyligimiz bo‘lgan, jamiyatimizda hukm surayotgan tinchlik, millatlar va fuqarolar o‘rtasidagi do‘stlik va ahillik, mehr-oqibat muhitini mustahkamlash, yaqin va uzoq qo‘shnilarimiz bilan o‘zaro hurmat va hamjihatlikni yanada kuchaytirish barchamizning ustuvor maqsadimizdir.

Shu ma’noda, xalqimizning yurak-yuragiga singib, hayotining mazmuniga aylanib ketgan, Yurtboshimiz ta’birlari bilan aytganda, “Bizga tinchlik va omonlik kerak!” degan ezgu da’vat barchamizning shiorimiz bo‘lishini va uni amalga oshirishda Siz aziz mahalla faollari hech qachon tolmasligingizni tilayman.

Yana bir bor, barchangizga Jizzaxga Xush kelibsiz, deymiz! Hamisha sog‘ va omon bo‘lingiz! Ezgu va xayrli ishlaringizda YAratganning o‘zi madadkor bo‘lsin!

E’tiboringiz uchun rahmat!

 


© 2010-2017 Jizzax viloyat hokimligi rasmiy veb sayti. Sayt materiallaridan foydalanganda www.jizzax.uz manba sifatida ko`rsatilishi shart. Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing