Gerb Bayroq Madhiya Muhim sanalar Davlat mukofotlari
2016 yil yanvar-sentyabrda ishlab chiqarilgan yalpi hududiy mahsulotning (YAHM) hajmi 3 438,5 mlrd. so’mni tashkil etdi va 2015 yilning yanvar-sentyabriga nisbatan o’sish sur’ati 109,1 foizga teng bo’ldi.
Korxonalar va tashkilotlar yagona davlat registri ma’lumotlariga ko’ra, 2016 yilning 1 oktyabr holatiga ro’yxatga olingan yuridik shaxslar soni 11 442 tani tashkil qilib, shundan 10 510 tasi yoki 91,9 foizi faoliyat ko’rsatmoqda.
2016 yilning 1 oktyabr holatiga ro’yxatga olingan jami kichik tadbirkorlik (biznes) sub’yektlarining soni 9 195 tani tashkil qildi.
2016 yil yanvar-sentyabrda yalpi hududiy mahsulotning 81,7 foizi (2015 yil yanvar-sentyabrda 81,6 foiz) kichik biznes sub’yektlari tomonidan ishlab chiqarildi.
2016 yilning yanvar-sentyabrida tashqi savdo aylanmasi 140 622,1 ming. AQSH dollarini, jumladan 81 772,6 ming. AQSH dollarini – eksport operatsiyalari, 58 849,5 ming. AQSH dollarinii – import operatsiyalari tashkil etdi. Tashqi savdo aylanmasining ijobiy sal’dosi 22 923,1 ming. AQSH dollarini tashkil qildi.
2016 yil yanvar-sentyabrda sanoat mahsuloti hajmi 1 327,1 mlrd. so’mni yoki o’tgan yilning shu davriga nisbatan o’sish sur’ati 118,3 foizni tashkil etdi.
2016 yilning yanvar-sentyabrida ishlab chiqarilgan (ko’rsatilgan xizmatlar) umumiy hajmi 1 917,7 mlrd. so’mni yoki 2015 yilning shu davriga nisbatan 106,2 foizni, shu jumladan, dehqonchilik va chorvachilik, ovchilik va bu sohalarda ko’rsatilgan xizmatlar hajmi 1 896,6 mlrd. so’mni (106,0 foiz), o’rmonchilik xo’jaliklarida 3,3 mlrd. so’mni (136,6 foiz), baliqchilik xo’jaliklarida 17,8 mlrd. so’mni (100,7 foiz) tashkil qildi.
2016 yil yanvar-sentyabr oylarida barcha toifadagi xo’jaliklar tomonidan 380 253 tonna sabzavot (113,9 foizga ko’p) yetishtirildi.
2016 yilning 1 oktyabr holatiga o’tgan yilning shu davriga nisbatan yirik shoxli qoramollar 105,7 foizga (jami 855,8 ming boshni tashkil qildi), shu jumladan sigirlar 100,4 foizga (249,6 ming bosh), qo’y va echkilar 105,6_foizga (1 848,9 ming bosh), otlar 101,8 foizga (22 338 bosh), parrandalar 118,1 foizga (2 570 ming. boshga) ko’paydi.
2016 yilning yanvar-sentyabrida fermer xo’jaliklari tomonidan ishlab chiqarilgan qishloq xo’jaligi mahsulotlari hajmi 575,1 mlrd. so’mni yoki 2015 yilning tegishli davriga nisbatan 99,8 foizni tashkil qildi. Qishloq xo’jaligi mahsulotlari umumiy hajmida fermer xo’jaliklarining ulushi 30,8 foizni tashkil etdi..
2016 yil yanvar-sentyabrda viloyatning asosiy kapitalini ko’paytirishga 934,3 mlrd. so’m miqdorida investitsiyalar kiritildi va o’tgan yilning shu davriga nisbatan o’sish sur’ati 120,5 foizni tashkil qildi.
Qurilish: 2016 yil yanvar-sentyabrda umumiy maydoni 552,5 ming kv.m. bo’lgan 3 459 ta (2015 yil yanvar-sentyabrga nisbatan 120,9 foiz), shu jumladan qishloq joylarida 367,7 ming kv.m. (117,8 foiz) uy-joy foydalanishga topshirildi. Noishlab chiqarish sohasiga kiritilgan investitsiyalar hajmidan 544,5 mlrd. so’mi yoki 73,9 foizi uy-joy qurilishida o’zlashtirildi.
Qurilish: Umumta’lim maktablari, kasb-hunar kollejlari, musiqa va san’at maktablari qurish, qayta ta’mirlash hamda kasb-hunar kollejlariga va umumta’lim maktablariga sport inshoatlari qurilishida 40,8 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 7,5 foizini va ta’lim sohasiga kiritilgan investitsiyalarning 4,4 foizini tashkil qildi.
Qurilish: Sog’liqni saqlash ob’yektlarini qurish va rekonstruksiya ishlarida 28,0 mlrd. so’mlik investitsiyalar o’zlashtirildi, bu noishlab chiqarish sohasiga yo’naltirilgan investitsiyalarning 5,1 foizini va sog’liqni saqlash sohasiga kiritilgan investitsiyalarning 3,0 foizini tashkil qildi.
Qurilish: Kommunal qurilish sohasida 217,4 km. uzunlikdagi ichimlik suvi, 38,1 km. uzunlikdagi gaz tarmoqlari ishga tushirildi, bu 2015 yil yanvar-sentyabrga nisbatan mos ravishda 81,9 va 104,1 foizni tashkil qildi.
Qurilish: Ichimlik suvi tarmoqlari qurilishiga aholi mablag’lari hisobiga 1,7 mlrd. so’m, gaz tarmoqlari qurilishiga esa 621,4 mln. so’m miqdorida investitsiyalar o’zlashtirildi.
Qurilish: 2016 yil yanvar-sentyabrda 708,3 mlrd. so’mlik qurilish ishlari bajarilib, o’tgan yilning shu davriga nisbatan o’sish sur’ati 112,5 foizni tashkil etdi.
Qurilish: Qurilish ishlari umumiy hajmining 71,7 foizi binolar va inshootlarni qurish bo’yicha qurilish ishlari, 20,6 foizi fuqarolik qurilishi ob’yektlarini qurish bo’yicha qurilish ishlari va 7,7 foizi ixtisoslashtirilgan qurilish ishlariga to’g’ri keldi. Shu jumladan umumiy hajmdan 80,8 foizi yangi qurilish, rekonstruksiya va kengaytirish hamda texnik jihatdan qayta jihozlashga to’g’ri keladi.
Qurilish: Nodavlat mulkchilik shaklidagi tashkilotlar tomonidan 658,1 mlrd. so’mlik qurilish ishlari amalga oshirilib, jami qurilish ishlari hajmidagi ulushi 92,9 foizni (2015 yil yanvar-sentyabrga nisbatan o’sish sur’ati 115,5 foizni) tashkil qildi.
Yuk tashish: 2016 yil 1 oktyabr holatiga barcha transport turlari tomonidan, 26,3 mln. tonna yuk tashilgan bo’lib, o’tgan yilning shu davriga nisbatan 8,2 foizga ko’paydi.

Ishonch telefoni pasporti

Jizzax viloyati hokimligida jismoniy shaxslar va yuridik shaxslar vakillarining murojaatlarini yagona ishonch telefoni orqali qabul qilish

TARTIBI

1. Xizmatning ta’rifi (pasport)

1.1. Xizmat nomi

Jismoniy shaxslar va yuridik shaxslar vakillarining murojaatlarini qabul qilish va ko’rib chiqish.

1.2. Xizmat natijalari

Jismoniy shaxslar va yuridik shaxslar vakillarining yagona ishonch telefoni orqali kelib tushgan shikoyat, ariza va takliflarini qabul qilish va ko’rib chiqish.

1.3. Xizmat ko’rsatish organlari va blank olish joylari

Jizzax viloyati hokimligi.

Murojaatlar (ariza, taklif va shikoyat) alohida shaklga ega emas.

1.4. Huquqiy asoslar

O’zbekiston Respublikasining “Jismoniy va yuridik shaxslarning murojaatlari to’g’risida”gi (O’zbekiston Respublikasi qonun hujjatlari to’plami, 2014 y., 49-son, 578-modda) Qonuni.

JIzzax viloyati davlat organlari va davlat muassasalarida jismoniy va yuridik shaxslarning murojaatlari bilan ishlash tartibi to’g’risidagi Nizom.

Jizzax viloyati hokimligining Reglamenti.

1.5. Xizmatdan foydalanuvchilar

Jismoniy shaxslar va yuridik shaxslar vakillari Jizzax viloyati hokimligiga murojaat qilish huquqiga ega.

Murojaat qilish huquqi ixtiyoriy amalga oshiriladi. Hech kim biron-bir murojaatni himoya qilishga yohud unga qarshi qaratilgan harakatlarda ishtirok etishga majbur qilinishi mumkin emas.

Murojaat qilish huquqning amalga oshirilishi boshqa jismoniy va yuridik shaxslarning huquqlarini, erkinliklarini hamda qonuniy manfaatlarini, shuningdek jamiyat va davlat manfaatlarini buzmasligi kerak.

Xorijiy davlatlarning jismoniy shaxslari va yuridik shaxslari vakillari, fuqaroligi bo’lmagan shaxslar Jizzax viloyati hokimligiga O’zbekiston Respublikasining “Jismoniy va yuridik shaxslarning murojaatlari to’g’risida”gi (O’zbekiston Respublikasi qonun hujjatlari to’plami, 2014 y., 49-son, 578-modda) Qonunga muvofiq murojaat etish huquqiga ega.

1.6. So’rov berish muddati

Yakshanba kunidan tashqari har kuni soat 9:00 dan 18:00 gacha. Tushlik vaqti 13:00 dan 14:00 gacha.

1.7. Murojaatlarni ko’rib chiqish muddatlari

Ariza yoki shikoyat masalini mazmunan hal etishi shart bo’lgan davlat organiga kelib tushgan kundan e’tiboran o’n besh kun ichida, qo’shimcha o’rganish va (yoki) tekshirish, qo’shimcha hujjatlarni so’rab olish talab etilganda esa bir oygacha bo’lgan muddatda ko’rib chiqiladi.

Ariza va shikoyatlarni ko’rib chiqish uchun tekshirish o’tkazish, qo’shimcha materiallar so’rab olish yohud boshqa chora-tadbirlar ko’rish zarur bo’lgan hollarda, ularni ko’rib chiqish muddati istisno tariqasida uzog’i bilan bir oyga uzaytirilishi mumkin, bu haqda murojaat etuvchiga xabar qilinadi.

Taklif Jizzax viloyati hokimligiga kelib tushgan kundan e’tiboran bir oygacha bo’lgan muddatda ko’rib chiqiladi, qo’shimcha o’rganishni talab etadigan takliflar bundan mustasno, bu haqda taklifni kiritgan jismoniy yoki yuridik shaxsga o’n kunlik muddatda yozma shaklda xabar qilinadi.

1.8. Murojaatlarni ko’rmay qoldirish

Quyidagi murojaatlar ko’rib chiqilmaydi:

anonim murojaatlar;

jismoniy va yuridik shaxslarning vakillari orqali berilgan murojaatlar, ularning vakolatini tasdiqlovchi hujjatlar mavjud bo’lmagan taqdirda;

qonunda belgilangan boshqa talablarga muvofiq bo’lmagan murojaatlar.

1.9. Tasdiq berish muddati

Murojaatlarni berish muddatlari, qoida tariqasida, beliglanmaydi.

2. Xizmatdan foydalanuvchini xabardor qilish

2.1. Axborot tarkibi va hajmi

Taqdim etilgan ma’lumotlar hamda murojaatlar tarkibi va hajmini e’tiborga olgan holda ko’rib chiqib belgilanadi.

2.2. Keng miqyosda xabardor qilish

Jizzax viloyati hokimligining rasmiy veb-sayti www.jizzax.uz da jismoniy shaxslar va yuridik shaxslar vakillarining murojaatlarini yagona ishonch telefoni orqali qabul qilish va ko’rib chiqish hisoblagichi bo’limida e’lon qilinadi.

2.3. So’rov bo’yicha xabardor qilish

Yagona ishonch telefon orqali soat 9:00 dan 18:00 gacha (tushlik vaqti 13:00 dan 14:00 gacha) xizmatdan foydalanish bo’yicha har qanday katta hajmdagi aniq axborot berilishini talab qilmaydigan savol yuzasidan og’zaki maslahat (5 daqiqadan ortiq emas) olish.

2.4. Xizmat ko’rsatish joyi haqida xabardor qilish

O’zbekiston Respublikasi, Jizzax viloyati, Jizzax shahri, Sh.Rashidov shoh ko’chasi, 64 uy.

2.5. Foydalaniladigan hujjat blanklari (shakllar)

Jismoniy shaxslar va yuridik shaxslar vakillaridan yagona telefon orqali shikoyat, ariza va takliflar qabul qilinadi (ariza, taklif va shikoyat uchun alohida shakl mavjud emas).

3. Xizmat ko’rsatish

3.1. Ish vaqti

Yakshanba kunidan tashqari har kuni soat 9:00 dan 18:00 gacha.

Tushlik vaqti 13:00 dan 14:00 gacha.

3.2. Kutish shartlari

Ushbu tartibning 1.7. bandida keltirilgan muddatlar talab etiladi.

4. Xizmat ko’rsatish tartibi

4.1. Murojaatlarga qo’yiladigan talablar

Jismoniy shaxsning murojaatida jismoniy shaxsning telefon raqami, familiyasi (ismi, otasining ismi), uning yashash joyi to’g’risidagi ma’lumotlar ko’rsatilgan va murojaatning mohiyati bayon etilgan bo’lishi kerak.

(Eslatma: Jismoniy shaxsning familiyasi (ismi, otasining ismi), uning yashash joyi to’g’risidagi ma’lumotlar yoki yuridik shaxsning to’liq nomi, uning joylashgan yeri (pochta manzili) to’g’risidagi ma’lumotlar ko’rsatilmagan yohud ular haqida yolg’on ma’lumotlar ko’rsatilgan murojaatlar anonim murojaatlar deb hisoblanadi).

4.2. Xizmat haqi

Xizmat bepul amalga oshiriladi.

4.3. Davlat xizmatini ko’rsatish bosqichlari va ichki idoraviy jarayonlar

Jizzax viloyati hokimligining rasmiy veb-sayti www.jizzax.uz ga kirib ariza, taklif qoldirish uchu yagona murojaatlar (0 372) 226 30 90 telefon raqamiga qo’ng’iroq qilish lozim;

yagona murojaatlar telefoni orqali javob beruvchi ma’sul xodim tomonidan ariza, taklif va shikoyatlar ro’yxatga olinadi;

to’plangan murojaatlar shu kuni Jizzax viloyati hokimligining ma’sul rahbariga tanishish uchun kiritiladi;

Jizzax viloyati hokimligi ijro uchun boshqaruv ma’sul xodimlariga O’zbekiston Respublikasining “Jismoniy va yuridik shaxslarning murojaatlari to’g’risida”gi Qonuni asosida o’rganib chiqib, tegishli chora ko’rish uchun taqsimlanadi;

ariza, taklif va shikoyatlar o’rganilib, tegishli choralar qo’llanilgandan so’ng murojaat etuvchining xohishiga ko’ra yashash manziliga yozma shaklda yoki elektron pochta manzili orqali javob yetkaziladi.

4.5. Rad etish asoslari

Ushbu tartibning 4.1. bandida keltirilgan bandlar to’liq keltirilmagan holda;

yagon murojaatlar telefoni orqali javob beruvchi ma’sul xodimga va boshqa shaxslarga nisbatan haqoratli, tuhmat, beadab so’zlar bilan murojaat etilgan taqdirda;

bir xil mazmundagi noaniq murojaat qayta qayta kelganda;

murojaat o’rganib unga qaror chiqarilgan bo’lsa.

5. Sifat ta’minoti

5.1. Sifat parametrlari

Xizmat ko’rsatish sifati ko’rsatiladigan xizmatlar uchun o’rnatilgan tartibga to’liq javob beradi.

5.2. Xizmat sifati ustidan shikoyat qilish tartibi

Jizzax viloyati hokimligi ma’sul xodimlari tomonidan sifatsiz ko’rsatilgan xizmat yoki xizmat ko’rsatish jarayonida yo’l qo’yilgan kamchiliklar bo’yicha Jizzax viloyati hokimligining rasmiy veb-sayti www.jizzax.uz dagi qayta aloqa shakli orqali shikoyat qilish mumkin.

Xizmat reglamenti (DOC. 24.6 Kb)

 
  • Chop etish
  • Ko'rganlar soni: (1826)
  • Pdf ko'rish
Tweet about this on TwitterShare on Google+Share on Facebook

© 2010-2017 Jizzax viloyat hokimligi rasmiy veb sayti. Sayt materiallaridan foydalanganda www.jizzax.uz manba sifatida ko`rsatilishi shart. Diqqat! Agar siz matnda xatoliklarni aniqlasangiz, ularni belgilab, ma'muriyatni xabardor qilish uchun Ctrl+Enter tugmalarini bosing