Жиззах шаҳридаги Президент мактабида SAT имтиҳонлари бўлиб ўтди

Тошкент, Хива, Андижон ва Жиззах шаҳарларидаги Президент мактабларида SAT имтиҳонлари бўлиб ўтди.

Авваллари SAT (Scholastic Assessment Test) имтиҳонини топшириш учун ёшлар қўшни давлатларга боришга мажбур бўлишарди. Бу эса ўз навбатида бир қатор қийинчиликлар ва ортиқча харажатларга сабаб бўларди.

Эндиликда эса мазкур имтиҳонларни ўтказувчи марказ сифатида фаолият олиб бориш учун барча Президент мактаблари босқичма-босқич аккредитациядан ўтишмоқда.

Ушбу имтиҳонларнинг юртимизда ўтказилиши:

— тил ўрганиш,

— хорижий грант дастурларида иштирок этиш,

— хорижлик илғор тенгдошлари билан бир сафда бўлишни истаган иқтидорли ёшларимиз учун яна бир қулай имконият дейиш мумкин.