Зомин туманида вилоят адлия бошқармаси конференция ташкил этди

Жиззах вилояти адлия бошқармаси томонидан Зомин туманида “Туризм - ҳуқуқий асослар, имтиёз ва имкониятлар” мавзусида Конференция ташкил этилди. 

Конференцияга вилоят солиқ, марказий банк, божхона, туризм ҳудудий бошқармалари ҳамда Зомин туман ҳокимлиги таклиф этилди.

Тадбир давомида вилоят миқёсида фаолият юритаётган меҳмонхона бошқарувчилари, Зомин табиий қўриқхонаси ҳодимлари, тадбиркорлар иштирок этишиб, уларга туризм соҳасидаги имкониятлар, имтиёзлар қонун ҳужжатларини асослаган ҳолда мутахассислар томонидан тушунчалар бериб ўтилди.

Тадбиркорлар томонидан солиқ, божхона имтиёзлари ва кредит масалалари юзасидан берилган саволларга ҳамкор ташкилотлар томонидан жавоб берилди.

Тадбир давомида туризм соҳасига оид 10 дан ортиқ норматив ҳужжатларнинг мазмуни тушунтириб ўтилди.