Жорий йил 17-18 май кунлари вилоят Хотин-қизлар қўмитаси ва Жиззах Политехника институти билан ҳамкорликда “Хотин-қизларнинг фан, таълим, маданият ва инновацион технологияларни ривожлантириш соҳасидаги ютуқлари” мавзусида Халқаро илмий-амалий конференция бўлиб ўтди.
Унда Россия, Корея, Қозоғистон, Тожикистон, Қирғизистон, Чехословакия, Хитой ва бошқа хорижий давлатлардан, шунингдек Республикамизда фаолият юритаётган олий таълим юртлари олим ва олималари, хорижий инвесторлар иштирокида ташкил этилди.
Шунингдек, Жиззах вилоятидан шаҳар ва туманлар хотин-қизлар қўмитаси раислари, олий ўқув юрти ва касб-ҳунар коллежларининг хотин-қизлар қўмитаси бошланғич ташкилоти раислари, давлат ва нодавлат ташкилотлари ходимларининг иштироки қамраб олинди.
Халқаро илмий-амалий конференция ишини Жиззах Политехника институти ректори, техника фанлари доктори А.Усманкулов очиб, конференция қатнашчиларига муваффақиятлар тилади.
Ўзбекистон Хотин-қизлар қўмитаси раиси ўринбосари М.Нурматова, вилоят Хотин-қизлар қўмитаси раиси Н.Мухторовалар сўзга чиқиб, Жиззах вилоятида 11 йилдан буён анъанавий тарзда ўтказиб келинаётган конференциянинг ишига тўхталиб ўтиб, хотин-қизлар ўртасида фан, таълим ва бошқа ижтимоий-иқтисодий соҳада эришиб келинаётган ютуқларга тўхталиб ўтишди.
Хитой ФА Синьцзян физика ва химия-технология институтидан Ахмидин Вали Хинжиан, Франция элчихонаси ходими Софи Жинд, Америка элчихонасидан Вивиана Марсел, Қозоғистон Реепубликасидан Ходжагельдиева Зульфия Мирзагельдиевна, Қозоғистон Республикаси “Буюк ипак йўли” халқаро университети ректори, фалсафа фанлари доктори Ефимова Ирина Евгеньевна, Ўзбекистон Республикаси Президенти ҳузуридаги Давлат бошқаруви академиясидан М.Ғаффорова, Олий ва ўрта махсус касб-ҳунар таълими вазирлигидан К.Мавлянов, Вазирлар Маҳкамаси ҳузуридаги “Оила” илмий-амалий тадқиқот маркази раҳбари ўринбосари Ф.Акромовалар ҳам сўз олиб, маърузалари билан иштирок этишди.
Иштирокчилар анжуман мавзуси доирасида ўз тажрибалари билан алмашдилар.
Вилоят ҳокимлиги Ахборот хизмати
скачать dle 12.0
