Жиззах вилояти ҳокимлиги » Янгиликлар » Диний экстремизмга ва терроризмга қўшилмаслик учун нима қилмоқ керак?
21 ноябрь 2019 г 2 323 Комментарии: 0
Ҳаммамизга маьлумки мамлакатимиздан кўпгина фуқароларимиз ҳар йилда мавсумий ишлаш учун Россия ҳамда бошқа давлатларда бўлишади.
Лекин пул топиш илинжида кетган ҳамюртларимизнинг ҳаммасини ҳам омади келмаяпти. Натижада бегона юртларда ўзларига мос иш топа олмасдан, бойлик изидан қувиб ўзини виждонидан ҳам кечиб юборган инсонларнинг найрангига учиб, ўз ватанига қайта олмаётган фуқароларимиз бир қанча.
Мана шундай пайтда бегона юртларда қийналиб юрганларга дўстона ёрдам қўлини ўзатиш баҳонасида ёнларида пайдо бўлишади. Натижада пулга алданган фуқаролар ўзлари билмаганҳолда аланга ичида ёнаётган мамлакатларда пайдо бўлиб қолишмоқда.
Бу ҳолатларга кўпгина мисоллар келтириб ўтишимиз мумкин, шунинг учун чет давлатларга ишлаш мақсадида чиқиб кетаётган фуқароларимиз аввало ўз оила аъзоларини келажагини, эртанги ватанимиз равнақини ўйлаши лозим бўлади.
Шу сабабли уларни онгида ушбу жирканч ғояларга қарши самарали кураш шаклланган бўлиши керак. Бир сўз билан айтганда ҳар бир фуқароларимиз оқ билан қорани ажрата олиши зарур.
Биргина жорий йилда мамлакатимизнинг хуқуқни мухофаза қилувчи идоралари томонидан ҳисоблаб чиқилган статистик кўрсаткичларга назар соладиган бўлсак меҳнат миграцияси, таьлим олиш учун ва дипломатик йўналишлар бўйича дунёнинг 30 дан зиёд давлатларида ҳамюртларимиз истиқомат қилиб келишмоқда.
Диний экстремизмга қарши курашда чегара ўрнатилмаган. Ҳар бир фуқаро унга қарши виждонан ва ақлан кураш олиб бориши лозим. Шу билан биз ўсиб келаётган ёш авлодларимизда ўз ўзидан ушбу иллатларга қарши имунитетни пайдо бўлишига замин яратамиз. Ватандошларимизни ушбу гуруҳларга қўшилиб кетмаслиги учун кафолат бера оламиз.
Мустақил тадқиқотчи
Э.Исматов
Сайт ишлаб чиқиш жараёнида. Келтирилган ноқулайликлар учун узр сўраймиз!