“Дунё бўйлаб” телеканали Зоминда

Ўзбекистон Миллий телерадиокомпаниясининг “Дунё бўйлаб” телеканали “Ислоҳотлар амалда” чора-тадбирининг амалдаги кўринишига гувоҳ бўлиш мақсадида Жиззах вилоятига ижодий сафар уюштирди. Ташриф давомида телеканал ижодкорлари Зомин туманида ҳам бўлишда.

Тўла бир кунлик сафар давомида журналистлар Зомин туманининг бугунги кундаги туристик салоҳияти, аҳолининг маданий ҳордиқ чиқаришлари учун яратилаётган имкониятлар, Зомин миллий боғи табиати, ҳудуддаги уй меҳмонхоналар, дам олиш масканлари, қорли арчазорларга ташриф буюрдилар.

Бу ҳақдаги махсус кўрсатув яқин кунларда "Дунё бўйлаб" телеканали орқали эфирга узатилади.