Жиззахда иккита: 4 ва 5 юлдузли меҳмонхона қурилади

«Ўзбекистон Республикаси Ташқи иқтисодий фаолият миллий банки» АЖ ва «Асака» АТБнинг эркин туристик зона ҳудудида тадбиркорлик ва ишбилармонлик тадбирларини (MICE tourism) ўтказишга мўлжалланган конгресс-холл, рекреация ва дам олиш зоналаридан иборат бўлган иккита халқаро даражадаги 4 ва 5 юлдузли меҳмонхоналар қуриш учун инвестиция киритади.

Бу ҳақда Ўзбекистон Республикаси Президентининг тегишли қарори лойиҳасида келтириб ўтилган.

Шунингдек, лойиҳада келтирилишича 2024 йил 1 январга қадар эркин туристик зона ҳудудида қайта тикланувчи энергия манбаларини ташкил этиш учун тадбиркорлик субъектлари томонидан импорт қилинадиган асбоб-ускуналар, техника, хом ашё, бутловчи буюмлар, эҳтиёт қисмлар ва бошқа материаллар божхона тўловларидан (қўшилган қиймат солиғи ва божхона расмийлаштируви учун йиғимлардан ташқари) озод этилади.