Олий Мажлис Қонунчилик палатаси Спикери ўринбосари Пахтакор туманидаги “Чаманзор” маҳалласининг муаммоларини ўрганди

Олий Мажлис Қонунчилик палатаси Спикери ўринбосари Алишер Қодиров Пахтакор туманида бўлиб, маҳалла ва мактабгача таълим ташкилотлари фаолиятини ўрганди. Тумандаги "Чаманзор" маҳалласи фаоллари билан юзма-юз мулоқот ўтказди.

Маҳалла фаоллари газ ва электр таъминоти ҳамда маҳалладаги ёшлар ва аёллар бандлигини таъминлаш масалалари аҳолини қийнаб келаётган энг оғриқли муаммолар эканлигини таъкидлади.

Спикер ўринбосари томонидан фуқаролар таъкидлаб ўтган муаммоларни республика бўйича тизимли ҳал этиш мақсадида Олий Мажлис Қонунчилик палатасида аҳоли муаммоларига ечим топиш мақсадида Парламент Комиссияси ташкил этилгани ва айни пайтда депутатлар ҳудудларда ўрганишлар олиб бораётгани тез орада ижобий ҳал этиш чоралари кўрилишини маълум қилинди.