Давлат хизматлари агентлиги директори Жиззах вилоятида бўлди

Давлат хизматлари агентлиги директори У.Муҳаммадиев томонидан Жиззах вилоятидаги шаҳар-туман давлат хизматлари марказлари ва уларнинг олис ҳудудларидаги филиаллари фаолияти, мавжуд муаммо ва камчиликлари ўрганилди.

Хизмат сафари чоғида У.Муҳаммадиев вилоятнинг Шароф Рашидов, Зомин ва Зарбдор туманлари давлат хизматлари марказларининг иши билан яқиндан танишди.

Жумладан, агентлик директори Шароф Рашидов тумани ДХМнинг “Равот” қишлоқ фуқаролар йиғидаги “Умар”, Зомин туманидаги “Пшағор”, Зарбдор туманидаги “Бешбулоқ” қишлоғидаги ДХМ филиалларида бўлиб, хизматлардан фойдаланаётган аҳоли ва хизмат кўрсатувчи ходимлар билан яккама-якка суҳбатлашди.