Жиззахда шифокорлар ва ўрта тиббиёт ходимлари сони камайиши кузатилган

Жиззах вилоятида 2020 йилда 54 та шифохона муассасаси фаолият олиб борган, йил давомида 418 410 нафар бемор даволанган.

Шифокорлар сони 0,1 фоизга, ўрта тиббиёт ходимлари сони 0,3 фоизга камайган. Вилоятда амбулатория - поликлиника муассасалари сони 184 тани ташкил этиб, улардан 54 таси қишлоқ врачлик пунктлари ҳисобланади. Бу ҳақда вилоят статистика бошқармаси маълум қилди.

Шунингдек, айрим касалликлар билан касалланиш ҳолатлари камайган. 2020 йилда 2019 йилга нисбатан янги пайдо бўлган ўсмалар бўйича 3,2 баробарга, жароҳатланиш, захарланиш ва ташқи сабаблар билан боғлиқ асоратлар бўйича касалланиш 1 баробарга ортган.