Жиззах вилоятида пиёда юриш бўйича ғолиб аниқланди

«Соғлом турмуш тарзи» (1hls.uz) платформасида август ойи якунларига кўра ғолиблар аниқланди.

Жиззах вилояти Мирзачўл туманида истиқомат қилувчи 46 ёшли Ойдин Рўзиева энг юқори натижани кўрсатди. У август ойида 1 659 615 қадам босиб ўтган.

У вилоят ва туман миқёсида энг кўп юрган инсон сифатида умумий миқдорда 800 минг сўм маблағга эга бўлди.

Президент фармонига кўра, ҳар ойда ҳар бир туман (шаҳар) бўйича энг кўп юрган шахсга 300 минг сўмдан, вилоят бўйича энг кўп юрган шахсга 500 минг сўм, республика бўйича энг кўп юрган шахсга 1 млн сўм тўланади.