Арнасойда табиий ис гази ва овқатдан заҳарланишнинг олдини олишга қаратилган тадбир ўтказилди

Арнасой туман ҳокимлиги, Жиззах вилоят фавқулодда вазиятлар бошқармаси ва унинг туман бўлими ташаббуси билан туман ИИБ, газ, электр тармоқлари корхоналари вакиллари иштирокида табиий ис гази ва овқатдан заҳарланишнинг олдини олишга қаратилган тадбир бўлиб ўтди.

Чоршанба – фавқулодда вазиятларнинг олдини олиш ва ёнғинлар профилактикаси куни муносабати билан ташкил этилган тадбирда қиш мавсумида, яъни об-ҳавонинг кескин пасайиши кузатилганда аҳоли орасида иситиш мосламаларидан фойдаланиш ва қишда консерваланган маҳсулотларга бўлган эҳтиёжнинг сезиларли даражада ортиши, бунда табиий газ, ис гази ва овқатдан заҳарланиш, ботулизм ва бошқа бир қатор инсон саломатлиги учун хавфли касалликларнинг кўпайиши мумкинлиги, ана шундай фавқулодда ҳолатларнинг олдини олишга қаратилган профилактик тадбирлар маҳалла ва қишлоқларда мунтазам ўтказиб бориш муҳим аҳамият касб этиши таъкидланди.