Жиззахда “Киберхавфсизлик тўғрисида”ги Қонунининг мазмун моҳиятини кенг жамоатчиликка етказиш бўйича йиғилиш ўтказилди

“Киберхавфсизлик маркази” давлат унитар корхонаси ва “Ўзкомназорат” давлат инспексияси ҳамкорлигида “Киберхавфсизлик тўғрисида”ги Ўзбекистон Республикаси Қонунининг мазмун моҳиятини кенг жамоатчиликка етказиш ишлари давом этмоқда.
Навбатдаги семинар Жиззах вилояти ҳокимлигининг мажлислар залида “Киберхавфсизлик маркази” ДУК ҳамда Ўзкомназорат Давлат инспекциясининг Жиззах вилояти ҳудудий инспекцияси ҳамкорлигида вилоят, шаҳар ва туман ҳокимликлари, вилоятдаги давлат ва хўжалик бошқаруви органларининг ҳудудий бошқармалари, бошқа ташкилот ва идораларнинг раҳбар ва масъул ходимлари иштирокида ўтказилди.

Ўтказилган семинарда Ўзбекистон Республикаси “Киберхавфсизлик тўғрисида”ги қонунииннг мақсад ва вазифалари, кибертахдидлардан ҳимоялариш чоралари тўғрисида йиғилиш иштирокчиларига кенг тушунчалар берилиб, йиғилиш иштирокчилари томонидан берилган саволларга “Киберхавфсизлик маркази” ДУК ҳамда Ўзкомназорат Давлат инспекциясининг Жиззах вилояти ҳудудий инспекцияси ходимлари томонидан жавоблар берилди.