Жиззахнинг иккита тоғли туманларида қор кўчиш хавфи эълон қилинди

Жорий йил 11-15 март кунлари кутилаётган ёғингарчилик ҳамда ҳаво ҳарорати сезиларли ўзгаришлари сабабли республика тоғли ҳудудларида денгиз сатҳидан 2000 метр баландликда қор кўчиш хавфи эълон қилинди.

Гидрометеорология хизмати агентлиги томонидан берилган маълумотга кўра, қуйидагича ҳудудларда қор кўчиш хавфи эълон қилинади:

• Қашқадарё вилояти: Китоб, Шаҳрисабз туманларида;
• Сурхондарё вилояти: Сариосиё, Бойсун туманларида;
• Жиззах вилояти: Зомин, Бахмал туманларида;
• Тошкент вилояти: Паркент, Оҳангарон, Бўстонлиқ туманларида ва Чотқол тизмасининг Чимён тоғларида;
• Наманган вилояти: Поп туманида.