«АвтоВАЗ» янги Lada Vesta автомобилини Ўзбекистонда йиғиш имкониятини кўриб чиқяпти

Россиянинг «АвтоВАЗ» компанияси Ўзбекистонда автомобилларни йиғишни қайта тиклаш имкониятини кўриб чиқмоқда, деди компания президенти Максим Соколов Тошкентда ўтаётган «Иннопром. Марказий Осиё» кўргазмасида.

Максим Соколов янги Lada Vesta Ўзбекистондаги ҳамкор заводининг конвейерига айланиши мумкинлигини қўшимча қилиб ўтган.

«Ҳозирда ҳамкоримиз билан биргаликда автомобилларимизни йиғишни тиклаш бўйича энг яқин режаларни фаол кўриб чиқмоқдамиз. Шунингдек, у янги авлод Lada Vesta`нинг флагман модели бўлади», — деди Максим Соколов.

Компания Ўзбекистонда автомобиль ишлаб чиқаришни маҳаллийлаштиришни янада ривожлантиришни ҳам режалаштирган. Пайвандлаш ва бўяш ишларини йўлга қўйиш имкониятлари кўриб чиқилмоқда, деди у.

2021 йил кузида Roodell компанияси «Жиззах» эркин иқтисодий зонасидаги ADM Jizzakh корхонасида Lada автомобилларини серияли йиғишни бошлаган.