Жиззах вилояти ҳудудида хорижий инвестициялар иштирокидаги корхоналар сони очиқланди

Ўзбекистонда 2024 йилнинг 1 февраль ҳолатига кўра хорижий инвестициялар иштирокида фаолият кўрсатаётган корхоналар сони 14 минг 199 тани ташкил этган. 

Статистика агентлиги хабарига кўра, ҳудудлар кесимида хорижий инвестициялар иштирокидаги корхоналар сони пойтахт Тошкентда кўпроқ – 9 240 та. 2-поғонада Тошкент вилояти – 1 597 та. Учинчи ўринда Самарқанд вилояти жойлашган – 565 та хорижий инвестициялар иштирокида фаолият кўрсатаётган корхоналар мавжуд.

Жиззах вилоятида бу кўрсатгич 178 тани ташкил қилган.

Шунингдек, бу кўрсатгич бошқа ҳудудларда қуйидагича.

Фарғона вилоятида – 502 та;

Сурхондарё вилоятида – 348 та;

Бухоро вилоятида – 341 та;

Андижон вилоятида – 309 та;

Наманган вилоятида – 231 та;

Навоий вилоятида – 218 та;

Сирдарё вилоятида – 204 та;

Қорақалпоғистон Республикаси – 171 та;

Қашқадарё вилоятида – 163 та;

Хоразм вилоятида – 132 та.