Инвестициялар, саноат ва ташқи савдо масалалари бўйича Янгиобод тумани ҳокими ўринбосари тайинланди

Умурзоқов Фаррух Эргаш ўғли - инвестициялар, саноат ва ташқи савдо масалалари бўйича Янгиобод тумани ҳокими ўринбосари этиб тайинланди.

Халқ депутатлари Янгиобод тумани Кенгашининг навбатдаги 67-сессияси бўлиб ўтди. Сессияда Янгиобод тумани ҳокимининг «Ф.Умурзоқовни Янгиобод тумани ҳокимининг инвестициялар, саноат ва ташқи савдо масалалари бўйича ўринбосари лавозимига тайинлаш тўғрисида»ги 2024 йил 4 мартдаги 45-3-54-Қ/24-сонли қарори депутатлар томонидан тасдиқланди.

Фаррух Умурзоқов 1991 йил Сирдарё вилояти Ховос туманида туғилган. Маълумоти олий. 2015 йил Гулистон давлат университети ҳамда 2023 йил Тошкент давлат иқтисодиёт университетини тамомлаган.

У мазкур лавозимга тайинлангунга қадар Янгиобод тумани ҳокими ўринбосари в.б, инвестициялар, саноат ва ташқи савдо масалалари бўйича Жиззах вилояти бошқармаси Янгиобод туман бўлими бошлиғи вазифасида фаолият юритган.