Жиззахда жиноятчиликка қарши фаол курашган профилактика инспекторлари ва маҳалла раисларга пул мукофоти берилди

Жиззахда жиноятлар сонининг камайишига эришган 150 нафар профилактика инспектори, жамоат тартибини сақлашда уларга амалий ёрдам кўрсатган 27 нафар маҳалла фуқаролар йиғини раиси ҳамда 18 нафар профилактика инспектори ёрдамчиси, 9 нафар хотин-қизлар билан ишлаш ва оилаларда маънавий-ахлоқий қадриятларни мустаҳкамлаш бўйича мутахассисларга жами 128 миллион сўм пул мукофоти тантанали равишда топширилди.

Вилоятда жамоат тартибини сақлаш ҳамда хавфсизлигини таъминлаш, "Хавфсиз шаҳар”,"Хавфсиз ҳудуд” лойиҳаларида белгиланган вазифаларни тўлиқ амалга оширишга алоҳида аҳамият берилмоқда. Ҳуқуқбузарлик ва жиноят содир этишга мойил деб гумон қилинган ва тунги вақтларда кўчаларда мақсадсиз юрган фуқаролар билан профилактик суҳбатлар олиб борилмоқда.

Жиззах вилояти ИИБ ахборот мультимедиа гуруҳи