Жиззахда ёшлар ўртасида жиноятчиликни олдини олиш бўйича қандай ишлар амалга оширилмоқда? (видео)

Вилоят ҳокимлиги, вилоят ИИБ, Ёшлар иттифоқи вилоят Кенгаши, Халқ таълими бошқармаси ҳамда туман (шаҳар)лардан келган ҳамкор ташкилот вакиллари иштирокида вилоятда ёшлар ўртасида жиноятчиликни олдини олиш бўйича жорий йилнинг 1-ярим йиллиги давомида амалга оширилган ишлар таҳлили юзасидан йиғилиш ташкил этилди.

Вилоятда ёшлар томонидан 2019 йилнинг ўтган 6 ойи давомида жами 124 та жиноят содир этилган бўлиб, ўтган 2018 йилнинг 6 ойи давомида 236 та ва бу кўрсатгич ўтган йилга нисбатан 47 фоизга камайганлигини кўришимиз мумкин.

Вилоятда ўтган 6 ой давомида вояга етмаганлар томонидан жами 6 та, 2018 йилнинг 6 ойи давомида 12 та жиноят содир этилган бўлиб, ўтган йилнинг 6 ойига нисбатан 6 тага яни 50 фоизга камайган Мазкур 6 та жиноятда 6 нафар вояга етмаган ёшлар иштирок этган бўлиб, бу кўрсатгич ўтган йилнинг 6 ойи давомида 15 нафар вояга етмаганлар иштирок этган.

Энг ачинарлиси, 2019 йилда содир этилган 6 та жиноятда 4 нафар коллеж, 1 нафар мактаб ўқувчилари, 1 нафар ўқимайдиган ва ҳеч жойда ишламайдиган вояга етмаган ёшлар содир қилган.

Айтиш жоизки, вояга етмаганлар ва ёшлар ўртасида жиноятчиликнинг олдини олишда давлатимиз раҳбари томонидан илгари сурилган 5 та муҳим ташаббуснинг жойлардаги ижроси муҳим аҳамият касб этади.

Агар ёшларнинг бўш вақти самарали тақсимланиб, улар турли йўналишларда банд бўлса, ўз-ўзидан жиноятга мойиллик ҳам камайиб боради.

Йиғилишнинг тўлиқ тафсилоти билан қуйидаги видеорепортажда танишиб олишингиз мумкин.