» » Пахтакорда ижтимоий ҳимояга муҳтож оилаларга давлат хизматлари кўрсатилди

Пахтакорда ижтимоий ҳимояга муҳтож оилаларга давлат хизматлари кўрсатилди

19 сентябрь 2019 г 1 514 Комментарии: 0

Тўрт девори, томи сувоқдан қилинган бўлса ҳам ҳамма ўзи уйи томон ошиқади. Ахир, халқимиз “Ўз уйинг ўлан тўшагинг” деб бежизга айтмаган.

Жиззах вилоятининг Пахтакор туманига йўлингиз тушса катта йўл бўйида оппоқ палаткаларда вақтинча истиқомат қилаётган аҳоли манзилгоҳини учратасиз. Улар анча йиллардан буён барак уйларда яшаб келган фуқаролардир.
Битта барак уйнинг ўзида учтагача оила вакиллари истиқомат қилгани кишини чуқур ўйга толдиради.

Ўзлари учун ҳаракат қилса бўларди-ю дерсиз. Аммо ҳозир битта уйни барпо этиш учун қанча маблағ сарф бўлишини ҳаммамиз жуда яхши биламиз. Масаланинг иккинчи тарафи эса ишсизлик. Кўпчилиги мардикорлик билан шуғулланади, баъзилари далада фермерлар қўлида меҳнат қилиб рўзғор тебратади. Бундай инсонларга янги уйларни қуриш қаерда дейсиз. Вилоят ҳокими томонидан шундай инсонларга ер ажратиб берилди. Бу бир қисми холос. Улар уй қуришда керак бўладиган қурилиш махсулотларигача таъминланди. Бундан фуқаролар жуда миннатдор.

Биз ҳам бу эзгу ишларда қараб ўтирмайлик, ўз ҳиссамизни қўшайлик дея енгни шимaрган туман Давлат хизматлари маркази ходимлари аҳоли муаммоларини ўрганиш мақсадида ташриф буюрди. Буни қарангки марказга бир қатор юмушлар топилди. У ҳам бўлса янги қурилаётган уйларни кадастр қилиш, жамғариб бориладиган пенсия дафтарчаси ҳамда меҳнат дафтарчаси олиш ва ҳоказо давлат хизматлари.

Марказ мутахассисларининг бизга берган маълумотларига қараганда 3 та массивда жами 742 та уй-жой қуриш режалаштирилган. Туман кадастр бўлими ҳамда Давлат хизматлари маркази ўзаро келишилган холда бундай уй жойларга ҳеч қандай тўловларсиз кадастр ҳужжатлари расмийлаштирилиб берилмоқда. Ўрганишларга кўра 1 нафар фуқаронинг фуқаролик паспорти йўқ, 6 нафар шахсларнинг никоҳи қонунийлаштирилмаган яъни улар шаръий никоҳ асосида яшаб юрибди. Уларга ҳам моддий кўмак берилган ҳолда амалий ёрдам кўрсатилмоқда.
Хулоса қилишга ушбу жумланинг ўзи етарли, қўлингдан келса яхшилик қил, биздан бу дунёда фақат яхши, эзгу ишлар қолади.
Сарвиноз Худойбердиева -
ДХА Жиззах вилоят бошқармаси
ахборот хизмати мутахассиси
скачать dle 12.0

Похожие новости

Сайт ишлаб чиқиш жараёнида. Келтирилган ноқулайликлар учун узр сўраймиз!