Жиззах шаҳар ва туманлар ҳокимларига, бошқарма, ташкилот, корхона ва идоралар раҳбарлари диққатига

Ўзбекистон Республикасига коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссиясининг 2020 йил 10 июлдаги 35-сон йиғилиш баёнига асосан Давлат органлари ва муассасалари, хўжалик бирлашмалари ҳамда бошқа ташкилотларга 18-19 июль ҳамда 25-26 июль кунлари ходимларни ишга жалб этмаслик, ходимларнинг ушбу кунларда уйда қолиши учун шароит яратиш топшириғи берилган.

Шу мақсадда, корхона, ташкилот ва идораларда ходимларни жорий йилнинг 18-19 июль кунлари ишга жалб қилмасдан, дезинфекция ишлари амалга оширилишини, бугундан дезинфекция воситалари ва хлор моддасини жамғариб, дезинфекция қилинадиган объектлар рўйхатини шакллантирган ҳолда дезинфекция тадбирларини амалга ошириши ҳамда амалга оширилган ишлар тўғрисида 2020 йил 20 июль кунига қадар вилоят штабига ахборот киритиши сўралади.