Маълумотлар асоссиз. Зомин тумани ҳокимлиги томонидан тўловлар амалга оширилган

“Жиззах ҳақиқати” газетасининг 2020 йил 22 август сонида Зомин туман ҳокимлиги томонидан Ўзбекистон Республикаси Вазирлар Маҳкамасининг 2019 йил 20 декабрдаги 1023-сонли қарори билан тасдиқланган Низом талабларининг бажарилмай келаётгани танқид остига олинган.

Хусусан, мақолада 2020 йилнинг 1 июнь ҳолати бўйича Жиззах вилоят қурилиш бош бошқармаси томонидан Зомин туманидаги 14 та ер участкасининг архитектура ва режалаштириш топшириғи ишлаб чиқилган бўлса-да, унинг қиймати туман ҳокимлиги томонидан ҳозирга қадар тўланмасдан келаётгани таъкидланган.  

Бугунги кунда, мақолада келтирилган тўловлар Зомин тумани ҳокимининг 2020 йил 16 июль кунги 114ф-сонли фармойишига асосан тўлиқ амалга оширилган. Вилоят қурилиш бошқармасининг бундан кейинги архитектура ва режалаштириш ишлари учун ҳам тўловлар ўтказилиш жараёнида.

Зомин тумани ҳокимлиги Ахборот хизмати