Жиззахнинг айрим ҳудудларида ичимлик суви таъминоти вақтинча тўхтатилади

«Жиззах сув таъминоти» МЧЖ шаҳар бўлимига қарашли Д-500 мм магистрал ичимлик сув тармоғида носозлик юзага келган. Ушбу носозликни бартараф этиш учун “Саноат “сув узатиш иншоотида жорий йилнинг 24 август куни соат 6:00 дан кеч 18:00 га қадар ичимлик сув таъминоти ўчирилади. Бу ҳақда «Жиззах сув таъминоти» маълум қилди.

Ичимлик суви таъминоти қуйидаги ҳудудларда тўхтатилади:

Жиззах шаҳрининг - Иттифоқ, Дўстлик, Ёшлик, Қалия, Бунёдкор маҳаллалари;
Ш.Рашидов туманининг - Қанғли МФЙ ҳамда МИЗ ҳудудларида.

«Таъмирлаш ишлари якунига етгач сўнг ичимлик суви таъминоти қайта тикланади. Келтирилган ноқулайлик учун узр сўраймиз», дейилади хабарда.