Айдар-Арнасой кўллар тизимида экологик барқарорликни сақлаш ва экотуризмни ривожлантириш бўйича масъул раҳбарлар ҳудудга етиб келди

Айдар-Арнасой кўллар тизимида экологик барқарорликни сақлаш ва экотуризмни ривожлантириш масалаларига бағишланган йиғилиш якунлари бўйича президент томонидан берилган топшириқлар ижроси юзасидан бир гуруҳ масъул раҳбарлар мазкур ҳудудга етиб келди.

Кўллар ҳудудида туристик-курорт зоналари ташкил этиш, балиқчиликни ривожлантириш, кредитлаш ва бу борадаги лойиҳаларни ҳар томонлама қўллаб-қувватлаш масалалари ҳал этилмоқда.

Шунингдек, Айдар-Арнасой ҳудудидаги экологик вазиятни яхшилаш бўйича махсус дастур қабул қилиниши режалаштирилган.