Арнасойда баҳор таровати куй-қўшиқларга уланмоқда

Юртимизга янгиланиш яшариш фасли кириб келиши биланоқ Арнасой туманида ҳам эрта тонгдан карнай-сурнай садолари янграб, эл-улус байрам шодиёналарига уланмоқда. 

Кўклам тароватини ўзида мужассам этган "Баҳор халқ фольклор” жамоаси томонидан тумандаги Маданият саройида олдида миллий урф-одатларни ўзида мужассам этган  куй-қўшиқлар, ўлан ва лапарлар маҳорат билан ижро этилди. 

Унда Маданият ходимлари ва ўқувчилар томонидан қадимдан мерос бўлиб келаётган миллийликни ўзида акс эттирувчи либослар ва миллий лапарлар, ашула ва рақслар ижро этилиб, Наврўз айёми арафасида одамларга ўзгача шукуҳ бағишламоқда.