Қўмита хабарига кўра, 2022 йилнинг январь-июнь ойларида республика бўйича 24 572 та никоҳдан ажрашиш ҳолати қайд этилган бўлиб, ҳар минг нафар аҳолига тўғри келадиган никоҳдан ажрашиш сони – 1,4 промиллени ташкил этган.
Ҳудудлар кесимида никоҳдан ажрашишлар сони бўйича энг кўп Тошкент шаҳри (2950 та) ва Самарқанд вилоятида (2569 та) қайд этилган бўлса, ҳар минг нафар аҳолига тўғри келадиган никоҳдан ажрашиш сони бўйича Тошкент шаҳри (2,1 промилле) ва Сирдарё вилояти (2,0 промилле) энг юқори экани кузатилди.
Ҳудудлар кесимида никоҳдан ажрашиш ҳолатлари сони:
- Қорақалпоғистон Р. – 1056 та;
- Андижон вилояти – 2532 та;
- Бухоро вилояти – 1405 та;
- Жиззах вилояти – 827 та;
- Қашқадарё вилояти – 2006 та;
- Навоий вилояти – 720 та;
- Наманган вилояти – 2183 та;
- Самарқанд вилояти – 2569 та;
- Сурхондарё вилояти – 1348 та;
- Сирдарё вилояти – 888 та;
- Тошкент вилояти – 2535 та;
- Фарғона вилояти – 2527 та;
- Хоразм вилояти – 1026 та;
- Тошкент шаҳри – 2950 та.
