Жиззахда банк тизимидаги мавжуд муаммолар ва коррупцияни олдини олиш бўйича очиқ мулоқот ўтказилди

Жиззах вилоятида аҳоли ва банк тизимидаги мавжуд муаммолар, коррупцияни олдини олиш ҳамда муаммоли кредитларни қайтарилишидаги мавжуд масалаларни муҳокама қилишга бағишланган очиқ мулоқот ўтказилди.

Очиқ мулоқотда вилоят ҳокимлиги котибият мудири Ш.Камалов, Ўзбекистон Республикаси Бош прокуратураси бошқарма бошлиғи А.Тоғаймуродов, Ўзбекистон Республикаси Марказий банки департамент мудири Ш.Қувваталиев, Бизнес-омбудсман вилоят сектор раҳбари С.Усманов ҳамда Марказий банк ва тижорат банклари раҳбарлари сўзга чиқиб мазкур масалалар танқидий рухда кўриб чиқишди.

Йиғилиш сўнгида тадбиркорлар мурожаатлари тингланиб масъул раҳбарларга ижрога қаратилди.