Бу йил Ўзбекистон ОТМларига 1,2 миллион, Жиззахда эса 74,3 минг абитуриент имтиҳон топширади

Ўзбекистонда олий таълим муассасаларига ўқишга кириш учун абитуриентлардан аризалар қабул қилиш ниҳоясига етди. Бу йил 1,2  миллион ўғил-қизлар  тест имтиҳонларини топширади.  Бу ҳақда  Давлат тест маркази хабар бермоқда.

Абитуриентлардан 395023 нафари жорий йил, 819209 нафари эса ўтган йиллар битирувчиларидир.

Абитуриентларниг аксарияти -  612 530  нафари таълимнинг кундузги  шаклини  танлаган. Кейинги ўринларда  сиртқи (565902 киши), кечки (27417) ва  масофавий (8383)  турибди.

Қашқадарё вилояти (140797 киши) энг "кирувчи" вилоятга айланган. Кучли учликка Самарқанд (133610) ва Тошкент вилоятлари (116251) ҳам кирган.

Қолган ҳудудлар:

• Фарғона  вилояти – 109938  киши

• Сурхондарё  вилояти – 106145  киши

• Андижон  вилояти – 79235  киши

• Наманган  вилояти – 77607  киши

• Корақалпоғистон – 75819 киши

• Жиззах  вилояти– 74346 киши

• Тошкент – 68545 киши

• Бухоро вилояти – 67663 киши

• Хоразм вилояти – 64351 киши

• Навоий  вилояти – 54512 киши

• Сирдарё вилояти – 45413 киши.