Ўзбекистонда 2022 йилнинг январь-декабрь ойлари давомида кичик тадбиркорлик субъектларининг ялпи ички маҳсулотдаги улуши 51,8 фоизни ташкил этди.
Статистика агентлигининг маълумотларида қайд этилишича, Жиззах вилоятида кичик тадбиркорлик субъектларининг улуши энг кўп бўлиб, 78,4 фоизни ташкил қилган.
2022 йилнинг январь-сентябрь ойларида кичик тадбиркорлик (бизнес)нинг ялпи ички маҳсулотдаги улуши 52,8 фоизни ташкил этганди.
Бундан ташқари, 2022 йил январь-сентябрь ойларида хизматлар соҳасининг ялпи ички маҳсулот (ЯИМ)даги улуши 40,3 фоизни ташкил қилган.
