ОТБ Ўзбекистон шаҳарларини ривожлантириш учун маблағ ажратади. Келишув доирасида Жиззах шаҳрида ҳам қатор лойиҳалар амалга оширилади

“Ўзбекистонда шаҳарларни комплекс ривожлантириш дастури” лойиҳасини амалга ошириш учун ОТБ билан 59 млн AҚШ доллари миқдоридаги қарз битимини имзолаш бўйича дастлабки келишувга эришилган.

Лойиҳа доирасида Жиззах шаҳрида “Жиззах шаҳридаги учта маҳаллани («Иттифоқ”, “Дўстлик” ва “Ёшлик”) ободонлаштириш», “Жиззах шаҳрида сув таъминоти ва канализация тизимини реконструксия қилиш”, “Жиззах шаҳрида сув таъминоти тизимини бошқариш самарадорлигини қўллаб-қувватлаш”, “Гигийенани тарғиб қилиш ҳамда COVID-19 билан курашиш чоралари”, “Чиқиндиларни минималлаштириш ва қайта ишлаш бўйича синов дастури”, “Чиқиндиларни йиғиш ва ташишни модернизация қилиш”, “Институционал салоҳиятни ошириш ва ривожлантириш” лойиҳалари амалга оширилади.