Зарбдор тумани ҳокими маҳалладаги бешлик иш фаолияти билан яқиндан танишди

Зарбдор тумани ҳокими Рузиев Зафар 1-сектор ҳудудидаги “Тошкесган” МФЙда раис, ҳоким ёрдамчиси, ёшлар етакчиси, хотин-қизлар фаоли, профилактика инспекторининг бугунги кунда олиб бораётган иш фаолияти билан яқиндан танишди.  

Маҳалла “бешлиги” томонидан фуқароларнинг муаммолари ўрганилиб, уларни бартараф этиш бўйича мутасаддиларга кўрсатма ва тавсиялар берилди. Учрашувда ҳудудда жиноятчилик ва ҳуқуқбузарликларнинг олдини олиш ҳамда жиноятчиликни жиловлаш борасида чора-тадбирлар белгиланиб, мамлакатимиз Мустақиллиги байрамини муносиб нишонлаш, ободонлаштириш, кўкаламзорлаштириш ишларида фуқаролар иштироки  масалалари муҳокама этилди.