Зарбдор тумани ҳокими 1-сектор ҳудудида аҳоли билан оммавий сайёр қабул ўтказди

Зарбдор тумани ҳокими Зафар Рўзиев 1-сектор ҳудудидаги “Тошкесган” маҳалласида яшовчи аҳоли билан оммавий сайёр қабул ўтказди.

Қабулда сектор раҳбарлари, Халқ қабулхонаси мудири, маҳалладаги ҳоким ёрдамчиси, ташкилот ҳамда идора раҳбарлари қатнашишди.

Учрашув аввалида туман раҳбари аҳоли бандлигини таъминлаш, уларнинг томорқадан олинадиган даромадини ошириш, маҳаллада оилавий ажримларнинг олдини олиш, маҳаллалар инфратузилмасини яхшилаш борасидаги ишлар тўғрисида иштирокчиларга ўз тавсияларини бериб ўтди.
Қабулда аҳоли томонидан ички йўлларни таъмирлаш, электр таъминоти, банкдан кредит олишда кўмаклашиш каби 10 га яқин мурожаатлар бўлди. Ушбу мурожаатларнинг 4 таси жойида ижобий ҳал етилди. Қолган мурожаатлар тегишли ташкилотларга топширилиб, ижроси назоратга олинди.