Зомин туман суди томонидан туман сайёр суд мажлиси ўтказилди

Зомин тумани ички ишлар бошқармаси 3-сонли ички ишлар бўлимида жиноят ишлар бўйича Зомин туман суди томонидан туман сайёр суд мажлиси ўтказилди.

Судда маъмурий ҳуқуқбузарлик билан боғлиқ 20 та иш кўриб чиқилди.

Судда, асосан ҳақорат, ўзга шахснинг шаъни ва қадр-қимматини камситиш, тан жароҳати этказиш, атрофдаги фуқаролар осойишталигини бузиб, жамиятда юриш-туриш қоидаларини менсимасдан, майда безорилик содир этганлик каби маъмурий ҳуқуқбузарлик ишлари кўриб чиқилди.

Мазкур суд жараёнида 13 нафар шахсга нисбатан 12 та маъмурий ҳуқуқбузарлик тўғрисидаги иш бўйича маъмурий жазо қўлланилди. Шунингдек, 13 нафар шахсга нисбатан 8 та маъмурий ҳуқуқбузарлик тўғрисидаги иш ҳаракатдан тугатилди.