Жиззахнинг нафосатли қизлари сараланди

Жиззах шаҳридаги “Версал” тантаналар мажмуасида “Нафосат-2018” анъанавий Республика танловининг вилоят босқичи бўлиб ўтди.

Ушбу танловни ўтказишдан мақсад турли ташкилотларда фаолият кўрсатаётган хотин-қизларнинг кийиниш услуби, бугунги кунда улар ўртасида миллий ва замонавий руҳдаги, менталитетимизга мос равишдаги кийимлар андозасини мунтазам равишда тарғиб қилиб бориш,
хотин-қизларни кийиниш маданиятига янги услуб  ва тамойилларни жорий этишдан иборатдир.

Танловда иштирокчилар, “Ишбилармон ва етакчи аёл тимсоли”, “Талаба қиз”, “Ижодкор аёл” ҳамда “Эркин мавзу” шартлари бўйича беллашишди .

Қизғин беллашувларга бой бўлган баҳсда 1-ўрин Жиззах шаҳрига, 2-ўрин Зарбдор туманига, 3-ўрин Ғаллаорол туманига насиб этди.

Вилоят ҳокимлиги Ахборот хизмати