Зомин туманида аҳолининг томорқадан фойдаланиши юзасидан учрашув ўтказилди

Зомин туманида аҳолининг шахсий томорқаларидан оқилона фойдаланишни ташкил этиш юзасидан ўрганиш ва тарғибот ишлари давом этмоқда.

Тарғибот ишлари давомида Ҳалқабод «Маҳалла еттилиги» ҳамда ҳудудга бириктирилган вакиллар томорқа ва уй хўжаликларидаги имкониятларни тўлиқ ишга солиш орқали аҳоли даромадларини ошириш чора тадбирлари юзасидан ўрганишлар ўтказиб, томорқа эгаларига зарур тавсия ва амалий кўмак бермоқдалар.

Шунингдек, аҳолига томорқачилик - нафақат қўшимча даромад манбаи, балки, аҳолининг бандлиги ҳамда озиқ-овқат хавфсизлигини таъминлашда ҳам етакчи соҳалардан бири экани таъкидланиб, аҳолига ушбу соҳада кредит ва субсидиялар ажратиш юзасидан тушунча ва таклифлар берилмоқда.