Арнасойда Хитой чигити самарасини кўрсатди

Таъкидлаш керак, 2024 йилда Арнасой туманида 9000 гектар ер майдонида ғўза парваришланди.

Ялпи ҳосилдорлик 28350 тоннани ташкил этиши кутилмоқда. Айни кунларда тумандаги фермер хўжаликларининг далаларида пахта йиғим-теримлари қизғин давом этиб, миришкор деҳқонлар ўзлари кутганидан кўпроқ пахта ҳосилини олмоқда.

Ушбу юқори ҳосилдорликнинг самараси Хитойнинг “Xin Lu Zhoang 52” навли чигити ва сув тежовчи техналогиялари орқали 55-60 центнерга етмоқда. Жумладан, Арнасой тумани ҳокими Одил Мусанов Й.Зохидов СИУдаги “Давон сари” фермер хўжалигида бўлиб, Хитой чигитининг ҳосилдорлигини кўздан кечирди.

Мазкур фермер хўжалиги йиллар давомида Бухоро-102 навли чигит экиб 18-20 центнер ҳосил олган бўлса, жорий йил 15 гектарга Хитойнинг “Xin Lu Zhoang 52” навли чигитини экиб ўртача 40-45 центнердан ҳосил олиб шартнома режасини ортиғи билан бажаришга эришди.