Ҳиндистонлик шифокор Фориш тумани аҳолисини  тиббий кўрикдан ўтказди

Ҳиндистонлик онкохирург Рукуая Мир Фориш туманига ташриф буюрди.

Ҳиндистонлик шифокор кўп тармоқли туман марказий поликлиникасида онкология диспансерида ҳисобда турувчи беморларни бепул тиббий кўрикдан ўтказди.

Тиббий кўрикдан жами 47 нафар бемор ўтган бўлса, уларнинг 39 нафарини аёллар, 7 нафарини эркаклар ва 1 нафарини ёш бола ташкил этди.

Кўрик давомида 2 нафар беморга республика онкология марказига, 6 нафар беморга эса вилоят онкология диспансерига йўлланма ажратилди. 39 нафар беморга маслаҳат, тавсиялар берилди.

Рашид КАРИМОВ