Фориш туманидаги «Янги қишлоқ» жоме масжиди қурилишига тамал тоши қўйилди (фото)

Фориш туманидаги «Янги қишлоқ» жоме масжиди биноси қурилишига илк тамал тоши қўйилди. Бу ҳақда Ўзбекистон мусулмонлари идораси матбуот хизмати хабар берди.

«Йиғилганлар хайрли дуо, эзгу ниятлар билан табаррукона биринчи ғиштни қўйиб бердилар. Масжид тез орада қад кўтариб, ҳудуд аҳолисининг диний-маърифий билимлари, ахлоқи, ибодатлари учун мунаввар маскан бўлиб хизмат қилишини тилади», — дейилади хабарда.

Шу боис, олти сотихдан ортиқ майдонда қурилаётган янги масжид 800 кишини сиғдира оладиган катта хонақоҳ, таҳоратхона, аёллар учун намозхона, қўшимча маъмурий хоналардан иборат бўлиши режалаштирилган. Аҳамиятлиси, масжид ҳовлисида ёрдамчи хўжалик ташкил этилиб, иссиқхона барпо этиш кўзда тутилган.