Жиззах вилояти кубоги ғолиби аниқланди ва ғолибларни вилоят ҳокими тақдирлади

Футбол бўйича Жиззах вилояти кубоги финал учрашуви бўлиб ўтди. Унда Зафаробод туманининг "Зафар" ҳамда Шароф Рашидов туманининг "Хайробод" жамоалари куч синашишди.

Қизиқарли ва кескин курашлар остида ўтган ушбу баҳсда Зафарободлик футболчиларни 3-2 ҳисобида қўли баланд келди.

Финал учрашувидан сўнг тақдирлаш маросими ўтказилди. Маросимда вилоят ҳокими Эргаш Салиев сўзга чиқиб, барча футбол жамоаларини эришилган натижалари билан табриклар экан, футбол ҳамда волейбол спорти бўйича Универсиаданинг Республика босқичига йўлланмани қўлга киритган спортчиларимизни ҳам эътироф этиб ўтди.

Вилоят кубоги олтин медалига Зафаробод туманининг "Зафар" жамоаси, вилоят кубоги финал учрашуви кумуш медалига Шароф Рашидов туманининг "Хайробод" жамоаси, вилоят чемпионати олтин медалига Шароф Рашидов туманининг "Жиззах Барс" жамоаси  лойиқ деб топилди.

Ғолиб ва совриндорлар ҳамда энг яхши футболчилар ва мураббийлар вилоят ҳокими Эргаш Салиев, Жиззах футбол ассоциацияси 1-вице президенти Анвар Мусулмонов ва вилоят Жисмоний тарбия ва спорт бошқармаси бошлиғи Иномжон Тожибоевлар томонидан тақдирланишди.

Шунингдек, футбол бўйича универсиада йўлланмасини қўлга киритган футболчилар ҳамда волейболчи қизлар тадирланишди.

Вилоят ҳокимлиги Ахборот хизмати